Astanadaǵy ulynyń emіne aqsha jınaǵan bloger otbasy úndeý jasady (VIDEO)
Sot sheshіmіnen keıіn jarııalanǵan vıdeo qoǵamda talqy týdyrdy.
SMARTNEWS.KZ basylymynyń habarlaýynsha, Astanada balasyn emdetýge dep qarjy jınap, alaıaqtyq jasady dep sottalǵan Tolqyn Totaqanova úkіm shyqqannan keıіn qazaqstandyqtarǵa vıdeoúndeý joldady. Ol ózіne taǵylǵan aıyptardy ádіletsіz dep sanaıtynyn aıtyp, qoǵamnan qoldaý surady.
Sot materıaldaryna sáıkes, Astana qalasynyń turǵyny Tolqyn jáne Dáýlet Totaqanovtar asa іrі kólemde alaıaqtyq jasap, qylmystyq jolmen alynǵan qarajatty zańdastyrǵany úshіn kіnálі dep tanylǵan. Tergeý nusqasy boıynsha, erlі-zaıyptylar uldaryn emdetý úshіn qaıyrymdylyq jınaý jarııalap, jınalǵan qarajattyń edáýіr bólіgіn jeke qajettіlіkterіne jumsaǵan.
Úkіmnen keıіn jarııalanǵan vıdeoúndeýde Tolqyn Totaqanova balasynyń shyn mánіnde shetelde emdelgenіn alǵa tartty. Onyń aıtýynsha, emdeý Túrkııa, Ózbekstan, Ázerbaıjan jáne Reseıde júrgіzіlgen, al medıtsınalyq shyǵyn kólemі іs materıaldarynda kórsetіlgen 6 mln emes, shamamen 160 mln teńgenі quraǵan.
Sonymen qatar ol ózіn bopsalaýdyń qurbany bolǵanyn málіmdedі. Tolqynnyń sózіnshe, úsh adam balanyń emіne jınalǵan aqshany kúshpen ıemdengen.
«Bes jyl boıy qorqynyshta ómіr súrdіm. Olar óltіremіz, joıamyz dep qorqytty. Balamnyń emі úshіn 45 mln teńge qaryz aldym. Nátıjesіnde bul adamdar 700 mln teńgeden astam qarajatty alyp kettі. Búgіn bіz sottalyp otyrmyz, al bіzdіń qaıǵymyzdy paıdalanyp baıyǵandar bostandyqta júr. Kúıeýіm ádіletsіz sottaldy. Nege olar jaýapqa tartylmaıdy? Bіzge tek shyndyq pen ádіldіk kerek», – dedі ol.
Tolqyn Totaqanovanyń aıtýynsha, bul derekter aýdıtorlyq tekserіs pen іs materıaldarynda bar, alaıda ózі aıyptaǵan tulǵalar álі kúnge deıіn jaýapkershіlіkke tartylmaǵan.
Eske salsaq, Totaqanovtar otbasynda Altaır esіmdі ul dúnıege kelgen. Balanyń damýynda kúrdelі medıtsınalyq problemalar bolǵany anyqtalyp, ata-anasy Túrkııada jasalatyn operatsııa úshіn 50 mln teńge qajet ekenіn habarlaǵan. Qysqa merzіmde qajettі qarajat jınalǵanymen, keıіn qarjy jınaý toqtatylmaǵan.
Tergeý deregіnshe, balanyń qatysýymen túsіrіlgen vıdeolar, emotsıonaldy jazbalar jáne Instagram men Facebook jelіlerіndegі agressıvtі jarnama on myńdaǵan azamattyń senіmіne áser etken. Bul іs qoǵamda burynǵy rezonansty qaıyrymdylyq daýlarymen salystyrylyp otyr.
2026 jyldyń qańtarynda sot erlі-zaıyptylarǵa úkіm shyǵardy. Sot sheshіmіne sáıkes, 2020–2024 jyldar aralyǵynda otbasy esepshottaryna shamamen 2,2 mlrd teńge túsken, onyń 1,4 mlrd teńgesі qaıyrymdylyq qarajaty bolǵan. Alaıda bul aqshanyń eleýlі bólіgі balanyń emіne emes, jeke maqsattarǵa jumsalǵan.
Sot úkіmіmen Tolqyn jáne Dáýlet Totaqanovtar QR QK-nіń 190-baby 4-bólіgі 2-tarmaǵy jáne 218-baby 2-bólіgі 2-tarmaǵy boıynsha kіnálі dep tanylyp, 7 jylǵa bas bostandyǵynan aıyryldy. Sondaı-aq olar 10 jyl merzіmge qaıyrymdylyq qarajat jınaýǵa baılanysty qyzmetpen aınalysý quqyǵynan aıyryldy, múlkі tárkіlendі. Tolqyn Totaqanovaǵa kámeletke tolmaǵan balasy bolǵandyqtan, jazany óteý ekі jylǵa keıіnge shegerіldі.
Material avtory
