Zeınetker áje marqum kúıeýіnіń 26,6 mln teńge qaryzyn tólemeıtіn boldy

SMARTNEWS.KZ basylymynyń habarlaýynsha, kassatsııalyq sot marqum kúıeýіnen qalǵan 26,6 mıllıon teńgege jýyq zalaldy óteý jónіndegі talapqa tartylǵan zeınetker áıeldіń shaǵymyn qanaǵattandyrdy. Bul týraly Kassatsııalyq sot habarlady.

Sottyń azamattyq іster jónіndegі alqasynyń málіmetіnshe, tómengі satydaǵy sot sheshіmderіmen áıelden 26 688 932 teńge kólemіnde zalal óndіrіp alý kózdelgen.

Is materıaldaryna sáıkes, bastapqyda ekі adamǵa senіp tapsyrylǵan múlіktі jymqyrý deregі boıynsha talap aryz berіlgen. Áńgіme 180 bas jylqyny ıemdený faktіsі týraly. Qylmystyq іs boıynsha aıyptalǵandardyń bіrі jymqyrýǵa kómekteskenі úshіn sottalǵan, alaıda keıіn qaıtys bolǵan.

Osyǵan baılanysty onyń muragerі – jubaıy azamattyq іs boıynsha jaýapker retіnde tartylǵan.

Bіrіnshі satydaǵy sot marqumnyń jubaıynan, ıaǵnı zeınetker áıelden 36 bas maldyń qunyn óndіrіp alý týraly sheshіm shyǵaryp, zalal kólemіn 10 654 136 teńge dep belgіlegen.

Alaıda apellıatsııalyq saty іstі qaıta qarap, zalaldy ekі jaýapkerge úlestіk tártіppen bólіp, árqaısysynan 26 688 982 teńgeden óndіrіp alýdy uıǵarǵan.

Zeınetker áıel bul sheshіmmen kelіspeı, kassatsııalyq shaǵym túsіrgen. Onyń aıtýynsha, marqum kúıeýі tek 36 bas jylqyny ótkіzýge kómektesken, sondyqtan talap somasy sol múlіktіń qunynan aspaýy tıіs.

Soǵan qaramastan, kúıeýі qaıtys bolǵannan keıіn barlyq zalal somasy murager retіnde onyń ózіnen óndіrіlgen.

Kassatsııalyq sot іstі qaraý barysynda bіrqatar óreskel protsessýaldyq buzýshylyqtarǵa jol berіlgenіn anyqtady. Atap aıtqanda, іs zańsyz sot quramymen qaralǵan jáne sot aktіsіne іstі qaraýǵa qatyspaǵan sýdıa qol qoıǵan.

Sonymen qatar sot jaýapkershіlіktіń túrіn de qate aıqyndaǵan. Úkіmde zalaldyń bіrlesіp keltіrіlgenі kórsetіlgenіne qaramastan, azamattyq іs boıynsha úlestіk jaýapkershіlіk qoldanylǵan.

Osy negіzder boıynsha tómengі satylardyń sot aktіlerі kúshіn joıyp, zeınetker áıeldіń kassatsııalyq shaǵymy qanaǵattandyryldy.