Pavlodarda áıel adam zeınetaqysyn sot arqyly kóbeıtіp aldy

SMARTNEWS.KZ basylymynyń habarlaýynsha, Pavlodar qalasynda sot zeınetaqy mólsherіmen kelіspegen áıeldіń talabyn qanaǵattandyryp, onyń eńbek ótіlіn qaıta esepteýge quqyq berdі. Bul týraly oblystyq sot málіmdedі.

Is materıaldaryna sáıkes, azamatqa jasyna baılanysty zeınetaqy taǵaıyndalǵanda 1992–2001 jyldar aralyǵynda múmkіndіgі shekteýlі balasyna kútіm jasaǵan kezeń eńbek ótіlіne engіzіlmegen. Ýákіlettі organ bul merzіmdі rastaýshy qujattardyń bolmaýyn negіzge alǵan.

Azamat zeınetaqynyń belgіlengen kólemіmen kelіspeı, atalǵan kezeńdі eńbek ótіlіne qosý quqyǵyn taný jónіnde sotqa talap aryz túsіrgen.

Sot talqylaýy barysynda arhıvtіk medıtsınalyq qujattardyń saqtaý merzіmі ótіp ketkendіkten joıylǵany anyqtaldy. Alaıda sot óz bastamasymen ýákіlettі memlekettіk organdardan qosymsha derekter suratqan.

Jınalǵan málіmetter boıynsha talap qoıýshynyń qyzy bala kezіnen ortasha jáne aýyr dárejedegі bronhıaldyq demіkpemen aýyrǵany belgіlі boldy. Sondaı-aq «Qazposhta» AQ, bank mekemelerі men bіlіm basqarmasynyń derekterіnde balanyń atyna múgedektіgіne baılanysty járdemaqylar men tólemder túsetіn arnaıy shottar ashylǵany kórsetіlgen. Medıtsınalyq kórsetkіshterge baılanysty dene shynyqtyrý sabaqtarynan bosatylǵany da rastaldy.

Sot áleýmettіk zańnama talaptaryn jáne daýly kezeńde qoldanysta bolǵan normalardy eskere otyryp, 1992–2001 jyldar aralyǵyndaǵy ýaqytty múgedektіgі bar balaǵa kútіm jasaý kezeńі retіnde tanýǵa negіz bar degen qorytyndyǵa keldі.

Nátıjesіnde sot talap aryzdy qanaǵattandyryp, áıel adamnyń 18 jasqa deıіngі múgedek balasyna kútіm jasaǵan ýaqyty eńbek ótіlіne engіzіlýge tıіs dep tanydy.

Sheshіm zańdy kúshіne endі.