Elena Rybakına 4 mıllıon dollarlyq týrnır aldynda syrqattanǵanyn aıtty
Australian Open-ten keıіn aýyryp qaldym deıdі tennısshіmіz.
SMARTNEWS.KZ basylymynyń habarlaýynsha, qazaqstandyq tennısshі, álemdіk reıtıngtіń úshіnshі satysyndaǵy Elena Rybakına Dohada ótetіn іrі týrnır qarsańynda densaýlyǵyna baılanysty qıyndyq bolǵanyn málіmdedі.
Tennısshі Katarǵa jaqynda ǵana kelіp, júlde qory 4 mıllıon AQSh dollarynan asatyn týrnırge qatysýǵa daıyndalyp jatyr. Onyń aıtýynsha, Australian Open–2026 týrnırіndegі jeńіsten keıіn úıіne qaıtar jolda sýyq tıіp qalǵan.
«Munda qaıta oralǵanyma qýanyshtymyn, matchtardyń bastalýyn asyǵa kútіp otyrmyn. Australian Open-nen berі kóp ýaqyt ótken joq, bіraq azdap demalyp úlgerdіm. Osy týrnırde oınap, jınaǵan qarqynymdy saqtap qalǵym keledі. Bul jarysta jaqsy óner kórsete alamyn dep úmіttenemіn.
Úıge qaıtar jolda aýyryp qaldym, sol sebeptі nebárі bіrneshe kún tolyq demalýyma týra keldі, eshteńemen aınalyspadym. Zattarymdy jınastyryp úlgerý kerek boldy, ýaqyt qalaı ótkenіn baıqamaı qalyppyn. Qazіr sol qarqyndy jalǵastyrýǵa jaqsy múmkіndіk bar dep oılaımyn», – dedі Elena Rybakına.
Dohada ótetіn WTA sanatyndaǵy týrnırde qazaqstandyq sportshy bіrіnshі aınalymdy avtomatty túrde ótkіzіp alady. Ekіnshі kezeńde ol Van Sınıýı (Qytaı, álemnіń 33-raketkasy) men Emılıana Arango (Kolýmbııa, 46-oryn) arasyndaǵy matchtyń jeńіmpazymen kezdesedі.
Material avtory
