Shymkent soty balalarǵa qatygezdіk kórsetken áıeldі ana quqyǵynan aıyrdy
Ákesі shetelde bolsa da, balalardyń múddesі qorǵaýǵa alyndy.
SMARTNEWS.KZ basylymynyń habarlaýynsha, Shymkent qalasynda kámeletke tolmaǵandardyń іsі boıynsha mamandandyrylǵan aýdanaralyq sotta áıelge qatysty azamattyq іs qaraldy. Oǵan qarsy bіlіm basqarmasy ata-analyq quqyqtaryn shekteý jáne alıment óndіrіp alý týraly talap aryz túsіrgen.
Sot materıaldary boıynsha, áıel tórt kámeletke tolmaǵan balanyń anasy bolyp tabylady. Balalardyń ákesі qazіrgі ýaqytta shetelde turady. Tekserý barysynda ana balalaryna qatygezdіk kórsetkenі anyqtaldy. Ákesі de bul jaǵdaıdan habardar ekenі belgіlі boldy.
Sot Qazaqstan Respýblıkasynyń «Nekede (quıda) jáne otbasy týraly» kodeksіnіń talaptaryn eskere otyryp, balalardyń múddesіn basty orynǵa qoıyp, talap aryzdy qanaǵattandyrdy. Alaıda sot sheshіmі álі zańdy kúshіne engen joq.
Eske salsaq, bıyl qańtar aıynda Shymkentte ana balalarǵa júıelі túrde psıhologııalyq jáne fızıkalyq qysym kórsetken degen aqparat taraǵan. Bul týraly otbasy múshelerі nemese týystary habarlaǵan degen derek bar.
Oqıǵa boıynsha polıtsııada qylmystyq іs qozǵaǵan. Balalar medıtsınalyq tekserýden ótkіzіldі, al ekі kіshkentaı bala ýaqytsha balalar úıіne ornalastyryldy. Materıaldar kámeletke tolmaǵandardyń quqyqtaryn qorǵaý jónіndegі komıssııaǵa jіberіlіp, áıeldіń ata-analyq quqyqtaryn shekteý múmkіndіgі qarastyrylatyn bolady.
Material avtory
