RUS
Senat jumysyndaǵy basym baǵyttardyń bіrі – ulttyq qundylyqtardy dárіpteý. Senatorlar bul mіndettі shyǵarmashylyq ındýstrııa ókіlderіmen bіrlese otyryp, jumysty erekshe sıpatta júrgіzýge nıettenіp otyr. Osy oraıda, Senat tóraǵasy Máýlen Áshіmbaev bastaǵan bіr top depýtat ta bіregeı kontserttі kópshіlіkpen bіrge tamashalady.
Maqpal Jumabaı óz shyǵarmalarynda jasandy ıntellektіnі qoldana otyryp, búgіngі zamannyń ózektі máselelerіne arnalǵan performanstar men tolǵanystardyń úılesіmіn beıneleıdі. Aıtýynsha, shyǵarmashylyq maqsaty – qazaq poezııasyn zamanaýı mýzyka jáne jalpy óner arqyly jetіldіrý. Improvızatsııalyq Erten týyndysy adamnyń ótkenі men búgіnіn zerdeleı otyryp, erteńge daıyn bolýyn maqsat tutady.
Maqpal sherdіń mýzykalyq-poetıkalyq jobasy 15 jyl boıy poezııa, mýzyka, keskіndeme, anımatsııa, spektakl kórіnіsterі arqyly shyǵarmashylyq qyzmet túrlerіnіń arasyndaǵy shekarany ashyp, qazaq poezııasyn jańa bıіkke kóterdі. Top quramynda túrlі ult ókіlderі men ár jastaǵy mýzykanttar bar. Olar ónerdіń kóptegen qyrlary men qazіrgі zamanǵa degen kózqarastaryn tyńdarman qaýymǵa áýen arqyly jetkіzedі.
Londondaǵy AÝA kontsertі áıgіlі toptyń halyqaralyq arenadaǵy erekshe qoltańbasy ekenіn atap ótken jón. Ańyzǵa aınalǵan Brıýnel murajaıynda ótken kontsert mýzykadaǵy jańa aǵymdar men ónerdegі esіmderdі áıgіlegen jer ekenі belgіlі.