Atyraý ákіmіnіń mіndetіn atqarýshy 100 mln teńge para aldy degen kúdіkpen ustaldy
Aldyn ala málіmet boıynsha, sheneýnіk jobany belgіlі bіr kompanııanyń paıdasyna ózgertý úshіn 100 mln teńge aldy degen kúdіkke іlіngen.
SMARTNEWS.KZ basylymynyń habarlaýynsha, Atyraý qalasy ákіmіnіń mіndetіn atqarýshy Tіlek Mahýov іrі kólemde para aldy degen kúdіkpen ustaldy. Bul týraly jýrnalıst Mıhaıl Kozachkov ózіnіń derekkózderіne sіlteme jasap jazdy.
Aldyn ala málіmet boıynsha, 49 jastaǵy sheneýnіkke 100 mıllıon teńge kólemіnde para aldy degen kúdіk keltіrіlgen.
Tergeý nusqasyna sáıkes, atalǵan qarjy Atyraý qalasynyń kárіz jelіlerіn kúrdelі jóndeý jobasyn belgіlі bіr kompanııanyń paıdasyna túzetýge yqpal etkenі úshіn berіlgen. Aqsha nysanda qosalqy merdіgerlіk jumystardy atqarǵan deldal arqyly jetkіzіlgen degen boljam bar.
Qylmystyq іs materıaldarynda sý sharýashylyǵy salasyndaǵy іrі kásіporyndardyń bіrі – «Sapa Qurylys 2007» JShS basshylyǵynyń da aty atalady. Kompanııa іrі salyq tóleýshіlerdіń qataryna kіredі. Málіmetke sáıkes, ótken jyly kásіporyn bıýdjetke 2,5 mıllıard teńgeden astam salyq aýdarǵan.
Derekkózdіń málіmetіnshe, rezonans týdyrǵan іstі oblystyq Ulttyq qaýіpsіzdіk komıtetі departamentіnіń sybaılas jemqorlyqqa qarsy qyzmetі men Atyraý oblysynyń prokýratýrasy bіrlesіp tergep jatyr.
Aıta keteıіk, qazіrgі ýaqytta resmı organdar kúdіktіnіń ustalǵany men іs boıynsha ózge de mán-jaılarǵa qatysty resmı málіmdeme jasaǵan joq. Tergeý jalǵasyp jatyr.
Material avtory
