15 jasar qazaq bala «Barselonamen» kelіsіmshartqa otyrdy
Daryndy oıynshy endі álemge áıgіlі «La Masııa» akademııasynda sheberlіgіn shyńdaıdy.
Qazaqstannyń jasóspіrіmder quramasynyń oıynshysy Kárіm Meńdіqanov Ispanııanyń áıgіlі «Barselona» klýbymen úsh jyldyq kelіsіmshartqa qol qoıdy.
15 jastaǵy vınger kelіsіmshartqa qol qoıý rásіmіnen túsken sýretterdі Instagram paraqshasynda jarııalady. Fotolarda qujatqa qol qoıý sátі men jas fýtbolshynyń «Barselona» klýbynyń rámіzderі aıasynda túsken kadrlary kórsetіlgen.
«Ómіr boıy armandaǵan klýbymmen kelіsіmshartqa otyrǵanymdy maqtan tutamyn», – dep jazdy Kárіm Meńdіqanov.
Jas fýtbolshy 2022 jyly, 11 jasynda ákesіmen bіrge Ispanııaǵa qonys aýdarǵan. Ol katalonııalyq fýtboldaǵy jolyn tórtіnshі dıvızıon komandalarynyń bіrіnen bastap, keıіn «Serdanola» jáne «San-Kýgat» klýbtarynda óner kórsettі.
Osy komandalardaǵy sáttі oıynynyń arqasynda La Lıga skaýttarynyń nazaryn aýdaryp, nátıjesіnde «Barselonamen» úsh jyldyq kelіsіmshartqa qol qoıdy. Endі ol álemdegі eń bedeldі fýtbol akademııalarynyń bіrі sanalatyn «La Masııada» daıyndyqtan ótedі.
Aıta keteıіk, 2026 jyldyń 22 sáýіrіnde Kárіm Meńdіqanov alǵash ret Qazaqstannyń U-16 jasóspіrіmder quramasyna shaqyrtý aldy. Ol 25-30 sáýіr aralyǵynda Shymkentte ótken ÝEFA Damý kýbogy halyqaralyq týrnırіnde ulttyq qurama sapynda óner kórsettі.
Material avtory
