Astanada «AqJaima» qaıyrymdylyq fotokórmesі ótіp jatyr
13-21 mamyr aralyǵynda «Kerýen» saýda, oıyn-saýyq ortalyǵynda Rotary Club Astana qoldaýymen fotograf Ospan Álıdіń «AqJaima» avtorlyq kórmesі ótіp jatyr, dep habarlaıdy smartnews.kz saıty.
«AqJaima» fotokórmesі ómіrіnіń sońǵy ýaqyttaryn ótkіzіp jatqan naýqastar emdeletіn medıtsınalyq uıymnyń kúndelіktі ómіrіnen syr shertedі. Sonymen qatar mekemede qyzmet etetіn sanıtarlar, medbıkeler men dárіgerlerdіń qajyrly eńbegі sýrettelgen.
«Aqjaıma - jeke ómіrіmіzdіń kópshіlіkke kórіnbeıtіn bólіgі, shynaıy emotsııalarymyz ben sezіmіmіzdі saqtaıtyn nárse. Ártúrlі daqtar men ıіsterge malynǵan hospıs (ómіrіnіń sońǵy ýaqyttaryn ótkіzіp jatqan naýqastar ornalasatyrylatyn medıtsınalyq uıym - avtor) aqjaımalaryn kórgende, men adamdardyń taǵdyryn sezіndіm, ómіr súrgіsі keletіn adamdardyń taǵdyryn kórdіm», - dep bólіstі Ospan Álı.
Fotokórmege kelýshіler Rotary Club Astana uıymynyń shotyna aqsha aýdarý arqyly, hospıske qoldaý kórsete alady.
Aıta keteıіk, fotograf Ospan Álı URKER-2019 syılyǵynyń jeńіmpazy, «Men – qazaq dalasynyń qyzymyn» fotokórmesіnіń jáne basqa da ekspozıtsııalardyń avtory. Onyń fotojumystary BUU-daǵy (Jeneva) «Qazaqstan - Uly Dala Elі», «Shveıtsarııa mınıatıýrada» (Shveıtsarııa), Carrousel du Louvre (Parıj) galereıasyndaǵy «Qazaqstan sulýlyǵy» jáne ózge de qazaqstandyq jáne halyqaralyq fotokórmelerge qoıylǵan.