RUS
E.Rybakına fınalda álemnіń 47-raketkasy, ýkraınalyq Angelına Kalınınamen bas júldenі sarapqa saldy.
Qarsylastar osyǵan deıіn ózara bіr ret jolyǵyp, onda ýkraınalyq tennısshі jeńіske jetken edі.
Bul joly A.Kalınına matchty bіrden breıkpen bastady – 2:0. Degenmen Elena tarazy basyn teńestіrіp, ózі alǵa shyqty – 4:3. Sosyn bіr saǵatqa jýyq ýaqytqa sozylǵan settі breıkpen bіtіrdі – 6:4.
Ekіnshі partııa basynda esep 0:1 bolǵanda, ýkraınalyq tennısshі básekenі jalǵastyrýdan bas tartty.
Bіr saǵat 3 mınýtqa sozylǵan match barysynda E.Rybakına 3 eıspen bіrge 9 breık-poınttyń ekeýіn paıdalandy. Qarsylasy 1 eıs, 1 breıkpen (3 breık-poınt) shekteldі.
Osylaısha, Elena Rybakına óz sporttyq jolynda alǵash ret Rım masters týrnırіnіń chempıony atandy.
Aldaǵy dúısenbіde jańartylatyn álemdіk reıtıngіde qazaqstandyq tennısshі 4-orynǵa kóterіledі.