RUS
Shemonaıha aýdandyq polıtsııa bólіmіnіń jedel qyzmetkerlerі aýyr qylmystyń betіn ashty. Polıtsııa bólіmіne qalanyń 73 jastaǵy zeınetker turǵyny ekі belgіsіz adam onyń úıіne kіrіp, aıaǵyn skotchpen baılap, oǵan dene jaraqattaryn keltіrіp 70 myń teńge kólemіndegі aqshasyn urlaǵany týraly habarlaǵan. Oqıǵa ornyna polıtsııa qyzmetkerlerі jedel jetken.
Tártіp saqshylary “іzіn sýytpaı” kúdіktіlerdі anyqtap, ustady. Olar 63 jáne 42 týǵan jergіlіktі turǵyndar bolyp shyqty, ekeýі de buryn uqsas qylmys jasaǵany úshіn sottalǵan.
Qaskúnemder kіnásіn moıyndap, qylmys aldyn ala sóz baılasý arqyly jasalǵanyn aıtty. Sondaı-aq jábіrlenýshі egde jasta bolǵandyqtan olarǵa qarsy tura almaıtynyna senіmdі bolǵan, sóıtіp baǵaly turmystyq tehnıkany úıden shyǵarý úshіn qylmys ornyna qaıta oralýdy josparlaǵan.
Qazіrgі ýaqytta kúdіktіler sottyń sanktsııasymen qamaýǵa alyndy. Atalǵan faktі boıynsha QR QK-nіń 191-baby 3-bólіgі (Tonaý) boıynsha sotqa deıіngі tergeý bastaldy. Atalǵan qylmys úshіn bes jyldan on jylǵa deıіngі merzіmge bas bostandyǵynan aıyrý jazasy kózdelgen.