RUS
Алматы қалалық полиция департаменті криминалдық полиция басқармасының мәліметінше, алаяқтық іс-әрекет көбінесе қарттардың телефонына қоңырау шалу арқылы жасалады. Бұл ретте алаяқтар өздерін жақын туысы (ұлы, қызы, немересі) ретінде таныстырып, оларға кенеттен шыққан мәселені шешу үшін ақша аудару қажет екенін айтады.
Мұндай алаяқтықтың келесідей түрлері бар:
- Сіздің жақын туысыңыз жол апатын жасады, оның салдарынан адамдар зардап шекті;
- Сіздің жақын туысыңыз қылмыстық құқық бұзушылық жасағаны үшін қылмыстық жауапқа тартылуда;
– Сіздің жақын туысыңыздың жағдайы ауыр, емделуі қомақты қаржыны қажет ететін денсаулық сақтау мекемесінде жатыр.
«Біз азаматтарды абай болуға, күмәнді қоңырауларға сенбеуге, эмоцияға берілмеуге, жақын туыстарының мәліметтерін айтпауға, алаяқтықтың бұл түрлері жайында қарттарды ескертуге шақырамыз.
1. Жақын туыстарыңыз бен достарыңызды, әсіресе, қарт адамдарды мұндай алаяқтық туралы ескертіңіз;
2. Егер сізге полиция қызметкері қоңырау шалса, полиция қызметкері сізден ақша сұрауға құқығы жоқ екенін есте ұстаңыз. Әңгімелесуді бастамас бұрын сұхбаттасушы өзін таныстыруы керек (аты-жөні, аты-жөні, қызметі, лауазымы, жұмыс орнын айтуы керек). Бұл мәліметті сіз 102 нөмірі арқылы тексеруіңіз керек.
3. Сізге бейтаныс адам телефон соқса, оның сізге нені және қалай айтқысы келетініне назар аударыңыз. Алаяқтар әдетте асықтыруға, шатастыруға, болуы мүмкін зардаптармен қорқытуға тырысады.
Кез-келген мәліметті тексеру қажет және ақшаны ешкімге жібермеңіз немесе аудармаңыз», - деп ескертті полицияда.