RUS
Forte Kulanshi Art Space тек дәстүрлі көрмелер өткізумен шектелмейді. Мұнда қазіргі заманғы өнердің әлеуметтік және технологиялық үрдістермен байланысын зерттейтін инновациялық жобалар іске қосылады.
Жаңа медиа, жасанды интеллект, виртуалды және кеңейтілген шындық (VR/AR) сияқты технологиялар қазіргі заманғы арт-кеңістіктерде маңызды рөл атқарады. Бұл бағыттар Forte Kulanshi Art Space жобаларында ерекше орын алып, Қазақстанда цифрлық өнердің дамуына ықпал етеді.
Бұл орталықта түрлі форматтағы іс-шаралар ұйымдастырылады:
1. Классикалық және заманауи өнер көрмелері;
2. Қазақстандық және шетелдік суретшілердің жеке экспозициялары;
3. Шеберлік сыныптары мен лекциялар;
4. Өнер мен бизнестің өзара байланысын зерттейтін шаралар.
Мұнда әр туынды тек көруге арналған зат емес, оны түсінуге, сезінуге, кейде тіпті онымен тілдесуге шақырады.
«Бұл жерге жай ғана қарау үшін емес, сезіну үшін келу керек екен.Шынымды айтсам, мұндай жерлерге қатты қызығып келе бермейтін едім. Бүгін бір шаруаларыммен кіре салған едім, керемет туындылардан ләззат алып шығып барамын. Кейбір картиналардың алдында ұзақ тұрып, қайта-қайта қарағым келді – олар өз мағынасын бірден ашып бермейді, керісінше, ойлануға, сезінуге мәжбүрлейді. Келіңіздер, көріңіздер, сезініңіздер»,— деді көрмені көруге келген Адина есімді көрермен.
Бұл пікір көрменің тек өнер туындыларын тамашалайтын орын емес, оның терең мағынасын ашатын алаң екенін көрсетеді. Forte Kulanshi Art Space – өнер мен эмоцияның түйіскен нүктесі, шығармашылықты жаңа қырынан тануға мүмкіндік беретін мекен.
Мақала авторы: Бақтылова Қарақат