«Күйеуге шыққанда қоямын»: Назым Қызайбай тұрмыс құрғасын боксты қоятынын айтты

SMARTNEWS.KZ басылымының хабарлауынша, танымал боксшы Назым Қызайбай қашан бокспен қош айтысатынын хабарлады. Бұл туралы Stan.kz жазды. 

Спорт шебері тұрмысқа шыққысы келетінін “Қызық Times” бағдарламасында жасырмады. 

“Жақында Әйгерім Сәттібаева Азия чемпионатының қола жүлдегері атанды. Біле білсеңіздер, Әйгерім – бес баланың анасы. Алайда меніңше, күйеуге шыққан соң боксты қою керек. Себебі балаға тәрбие беретін ең бірінші адам – анасы. Егер спорттық мансабыңды жалғастырып, жарыстарға барып, жаттығуларға уақыт бөлсең, балаңның өскенін, қалыптасуын толыққанды көре алмайсың", – деді спортшы. 

Айта кетейік, Cербияның Ниш қаласында әйелдер арасында бокстан өткен әлем чемпионатында Назым Қызайбай алтын жеңіп алған еді.