RUS
Ішімдікке тәуелді болу- өте үлкен мәселе. Қазіргі таңда 2,3 миллиард адам ішімдікті күнделікті қолданады. Көбісі шараптар арқылы стресстен құтыламын деп ойлайды немесе оны жай демалу үшін ішеді. Соңында ол 40% ішімдік тәуелділігіне әкеледі.
Әр жыл бойы ішімдік кесірінен 3 миллион адам қайтыс болады. Статистика бойынша көбісі - ер адам. Не себепті адамдар ішімдікке тәуелді? Біз бұл жағдайды психикалық және физикалық тұрғыда қарастыруымыз қажет. Психикалық жағынан көп адам арақ ішіп шындықтан қашамын, жанымды тыныштырамын деп ойлайды. Ал физикалық жағы ол - күнделікті немесе көп мөлшерде ішімдік қолдану. Адамда құмар пайда болады және оның ағзазы күннен күнге көп мөлшердегі шарапты сұрайды.
Том Холланд өзінің ішімдікке тәуелдігін:
«Мен өзімнің күнімді ішімдікпен бастайтын едім, ол туралы күні бойы ойлайтынмын. Әрдайым ішімдікті ішу үшін сағат он екіні күте бастадым.Бұл мені қорқыта бастады»,- деп сипаттайды.
Ең жаманы - адамның денсаулығына тиіп кететін қауіп-қатері. Ішімдік үлкен мәселелер тудыруы мүмкін: бауыр циррозы, жүрек ауруы, қатерлі ісік ауруы. Психикалық жағынан: депрессия, мазасыздық және т.б.
Ішімдік тек тәуелді адамға емес, сонымен қатар оның қасындағы жақын адамдарына да қатер тигізуі мүмкін. Адам спирті заттарға тәуелді бола бастағанда, өз істеріне толыққанды жауап бере алмайды. Сол себепті ол отбасының берекетін алады, достар, жұмыс ішіндегі әріптестермен қиыншылық тудырады.
Ішімдікке құмар болуды қалай тоқтатуға болады? Ол үшін психолог маманы, отбасынан қолдау көрсетілуі керек. Ішімдікке тәуелді болу - адамды қирататын, ішкі жан дүниесін ажырататын, адам өміріне қауіпті мәселе. Құмарлықтан шығу мүмкін, бірақ ол - өте қиын.
Осы жайлы Том Холланд өзінің тәжірибесімен бөліседі:
«Мен өзімнің туған күніме дейін ішімдік ішпеймін деп шештім. Өзімнің тәуелділігімді алты ай бойы басқым келді, нәтижсінде мен еш қиындықсыз ұқтай бастадым, өзімнің денсаулығым жақсарғанын сездім, керек емес салмақ кеткенін байқадым, өмірім бақытты сәттерге тола бастады».
Көріп тұрғаныңыздай, ішімдіксіз адамның өмірі жақсырай бастайды, ең бастысы өмір жасыңыз ұзарып, денсаулығыңыз нығаяды.
Автор: Тагибергенова Айнур