RUS
Болашақ қалалар қандай болады? Кәсіпқойлар мен тұрғындар үшін қалалық ортаның қандай элементтері жайлылық тұрғысынан маңызды? Дизайн кодтарының негізгі тұтынушысы мен тапсырыс берушісі кім? Әкімдіктер дизайн кодтарды қалай жұмыс істете алады және оларға кім көмектеседі?
Осынау өзекті мәселелерді өңірлік атқарушы билік органдарының, сәулет және қала құрылысы басқармаларының, қалалардың дизайн-коды бойынша қазақстандық сараптамалық топтардың өкілдері «дөңгелек үстел» форматында талқылайтын болады.
«Дөңгелек үстелге» Астана қаласы әкімдігінің «Астана-Жарнама» мемлекеттік мекемесінің спикерлері де қатыспақ, олар: компания директоры Асылбек Сабырқұлов және архитектуралық келбеттің жай-күйі туралы ақпаратты өңдеу және талдау бөлімінің басшысы Тамила Ролланова.
«Дөңгелек үстелдің» хедлайнері – Novaya Labs компаниясының басқарушы серіктесі Иван Курячий.
Сарапшының айтуынша, «дөңгелек үстел» барысында бүгінгі таңда барлық қалалар үшін дизайн-кодты құру және жақсарту бойынша өзекті мәселелер көтерілмек, сондай-ақ қаланың жергілікті бірегейлігін және дизайн-кодты әзірлеуге негізделген құндылық қондырғыларын сақтауға мүмкіндік беретін шешімдер қарастырылмақ.
«Қалалық кеңістіктің әрбір шаршы метрі жекежобалануы керек. Дизайн-код мәні де осында. Дұрыс жобаланған дизайн-код қалаларға аймақтың тарихи және мәдени ерекшеліктерін ескере отырып, өзінің ерекше және үйлесімдікелбетін қалыптастыруға, туристерді тартуға, қала тұрғындарыныңөмір сүру сапасын жақсартуға көмектеседі. Сондықтан дизайн-кодты әзірлеу қаланың тұрақты дамуының ұзақ мерзімді мақсаттарына негізделуі керек», - деп түсіндірді Иван Курячий.
Дизайн-код – бұл қаланы безендіру және жобалау, бірыңғай стиль жасау ережелерінің жиынтығы. Онда қалалық навигация сияқты ақпараттық және жарнамалық құрылымдарды, маңдайшаларды, сондай-ақ нысандардың қасбеттерін түстерінің гаммаларын сәйкестендіре отырып безендіру, көгалдандыру, жарықтандыру бойынша ұсыныстар жазылған. Қазақстанда үш қаланың – Астананың, Алматының және Ақтөбенің дизайн-кодтары бекітілген, басқа қалаларда бұл үрдіске қатысты ұйымдастыру жұмыстары жүргізілуде.
ARCHICA-2024 сәулетшілер конгресі биыл екі алаңда – Қазақстан мен Өзбекстанның екі қаласында өткізілмек, осылайша екі ел арасындағы көпжылдық достық пен ынтымақтастық қарым-қатынасқа маңыз берілмек. 10-11 қазанда іс-шара Алматыда және 14 қазанда Ташкентте өтеді.