RUS
SMARTNEWS.KZ басылымының хабарлауынша, Ресейге жұмыс істеп, табыс табу үшін барған қазақстандық ойда-жоқта соғыс алаңына тап болғанын айтты. Қазақстан азаматы соңында Украина түрмесінен бір-ақ шыққан. Бұл туралы Stan.kz жазды.
Украиналық журналист Владимир Золкин “Хочу жить” жобасының аясында түп-тамыры қазақ үш тұтқынмен сұхбаттасты. Тұтқынның бірі – Қазақстан азаматы. Алайда ол Ресейге Украинамен соғысу үшін емес, жұмысқа тұру үшін келгенін айтты. Оның сөзінше, отандасымыз вахтаға жұмысқа барған. Бірақ келісімшартқа қол қойған соң оны оқу орталығына, кейін Луганский облысындағы ұрыс алаңына жіберген.
Журналист оның анасымен сөйлескен. Анасының айтуынша, ұлы соғысқа аттанатынын оған айтпаған. Ұлы Ресейге жоғары жалақы алу үшін барған. Ал баласының тұтқынға түскенін елшіліктен білген. Қазір ер адам Қазақстанға ауысуын күтіп отыр. Ол отанына оралудан үмітті.
Одан бөлек видеода тағы екі тұтқын бой көрсетті. Оның бірі Орынбор облысынан, ал екіншісі Байқоңырдың тумасы. Олардың біреуі Ресейге Украинамен соғысу үшін, мақсатты түрде келгенін жасырмады. Ол саналы түрде келісімшартқа қол қойып, соғысқа аттанған. Айтуынша, БАҚ беттерінен соғысқа қатысқандарға сыйақы берілетіні туралы оқыған.