RUS
SMARTNEWS.KZ басылымының хабарлауынша, Теміртауда зейнеткердің пәтеріне алдап кіріп, балағаттап, ұрып-соққан жасөспірімдер уақытша қамауға алынды. Бұл туралы Tengrinews.kz сауалына Қарағанды облысының прокуратурасы берген жауабында мәлімдеген.
Ведомствоның мәліметінше, жасөспірімдерге қатысты Қылмыстық кодекстің 191-бабының 3-бөлігі, 3-тармағы «Тонау» бойынша қылмыстық іс қозғалды.
"Тоғыз күдіктінің барлығы, оның ішінде жетеуі кәмелетке толмағандар Қылмыстық-процестік кодекстің 131-бабына сәйкес қамауға алынып, уақытша ұстау изоляторына қамалды. Теміртау қалалық соты екі ай мерзімге қамауға алу түріндегі бұлтартпау шарасын таңдады", - деп хабарлады облыс прокуратурасы.
Ең қатаң бұлтартпау шарасын таңдауға негіз болған қылмыстың ауырлығы, деп қосты департамент.
«Қазіргі уақытта іс бойынша қажетті сараптамалар тағайындалып, жан-жақты және объективті тергеу амалдары жүргізілуде», - деп хабарлады прокуратура.