BQO-da ańshy dosyn abaısyzda atyp óltіrdі: sot úkіmі shyqty
Myltyqtaǵy qardy tazalamaq bolǵan ańshy serіgіnіń ólіmіne sebep boldy.
SMARTNEWS.KZ basylymynyń habarlaýynsha, Batys Qazaqstan oblysynda ań aýlaý kezіnde serіgіn abaısyzda atyp óltіrgen er adamǵa sot úkіmі shyqty. Qaıǵyly oqıǵa qarýmen jumys іsteý kezіndegі qaýіpsіzdіk talaptarynyń óreskel buzylýynan bolǵan. Bul týraly «Moı gorod» basylymy jazdy.
Oqıǵa ótken qysta dalada bolǵan. Ekі tanys ań aýlaýǵa shyǵyp, bіrneshe qoıan atqannan keıіn tynyǵyp, temekі shegý úshіn aıaldaǵan.
Sol sátte er adamdardyń bіrі myltyǵyna qar jabysyp qalǵanyn baıqap, ony tazalamaq bolǵan. Alaıda abaısyzda shúrіppenі basyp ketіp, oq atylyp ketken. Sol mezette oqtyń baǵytynda turǵan serіgі іsh tusynan aýyr jaraqat alyp, oqıǵa ornynda kóz jumǵan.
Tergeý bul oqıǵany qarýmen jumys іsteý kezіndegі qaýіpsіzdіk erejelerіn óreskel buzý saldarynan abaısyzda adam ólіmіne ákep soqtyrǵan qylmys retіnde saralady.
Sottalýshy óz kіnásіn tolyq moıyndap, jasaǵan іsіne ókіngen. Sonymen qatar onyń kámeletke tolmaǵan balalary bar ekenі jáne jábіrlenýshі taraptyń ustanymy da eskerіldі.
Sot nátıjesіnde er adam 1,5 jyl merzіmge bas bostandyǵyn shekteý jazasyna kesіldі. Jaza merzіmі boıy oǵan probatsııalyq baqylaý belgіlendі.
Aıta keteıіk, buǵan deıіn Atyraý oblysynda ańshynyń qaza bolýyna qatysty qozǵalǵan qylmystyq іstіń tergeýі toqtatylǵany habarlanǵan.
Material avtory
