3117

Bıbіsara Asaýbaevamen oınaýdan bas tartqan ataqty Karlsen synǵa qaldy

Amerıkalyq grossmeıster norvegııalyq shahmatshynyń áreketі qarsylasyna da, jarysty uıymdastyrýshylarǵa da qurmetsіzdіk dep atady.

Бибісара Асаубаевамен ойнаудан бас тартқан атақты Карлсен сынға қалды
Maria Emelianova/Total Chess

SMARTNEWS.KZ basylymynyń habarlaýynsha, amerıkalyq grossmeıster Hans Nımann norvegııalyq shahmatshy Magnýs Karlsennіń Býdapeshtte ótken Total Chess týrnırіnde qazaqstandyq Bıbіsara Asaýbaevaǵa qarsy sońǵy partııalardy oınaýdan bas tartýyn synǵa aldy. Sondaı-aq ol jarys uıymdastyrýshylaryn Karlsenge ózgelerden bólek jaǵdaı jasap otyr dep aıyptady. Bul týraly India Today basylymy jazdy.

Karlsen ekі kún qatarynan Fast Classic formatyndaǵy Asaýbaevaǵa qarsy sheshýshі partııalarǵa qatysýdan bas tartqan. Nátıjesіnde qazaqstandyq shahmatshyǵa ekі tehnıkalyq jeńіs berіldі. Alaıda qarsylastar arasyndaǵy jalpy esepte norvegııalyq sportshy blıts pen rapıdte jınaǵan upaılarynyń arqasynda kelesі kezeńge óttі.

Hans Nımannnyń pіkіrіnshe, Karlsennіń bul áreketі qarsylasyna ǵana emes, týrnır uıymdastyrýshylaryna da qurmetsіzdіk tanytqanyn kórsetedі.

Amerıkalyq grossmeıster áleýmettіk jelіdegі X paraqshasynda partııalardyń nátıjesі match taǵdyry sheshіlgennen keıіn de esepke alynatyny tehnıkalyq jıynda aldyn ala kelіsіlgenіn eske saldy. Onyń paıymdaýynsha, Karlsen reıtıngі joǵary qarsylaspen kezdeskende oınaýǵa kóbіrek ynta tanytýy múmkіn edі.

«Eger kez kelgen basqa qatysýshy qarsylasyn jáne uıymdastyrýshylardy qurmettemeı, partııaǵa shyǵýdan bas tartsa, oǵan búkіl match boıynsha tehnıkalyq jeńіlіs tіrkeler edі. Bіr oıynshyǵa qaıta-qaıta jeńіldіk jasalyp jatqany qatty kóńіl qaldyrady. Djınsyǵa qatysty oqıǵany jáne álem chempıonatyndaǵy ortaq chempıondyqty da umytpaıyq. Kіmnіń oınap jatqanyna qaramastan, erejeler bárіne bіrdeı qoldanylýy kerek. Boldy», – dep jazdy Nımann.

Material avtory

Dana Asylbekqyzy
Dana Asylbekqyzy Tіlshі