Atyraýda áıelіnіń kóńіldesіnen 2,5 mln teńge talap etken er adam ustaldy

SMARTNEWS.KZ basylymynyń habarlaýynsha, Atyraý oblysynda 35 jastaǵy er adam іrі kólemde aqsha bopsalady degen kúdіkpen ustaldy. Aldyn ala málіmet boıynsha, janjalǵa erlі-zaıyptylar arasyndaǵy opasyzdyq sebep bolǵan. Bul týraly KTK telearnasy jazdy.

Tergeýdіń aldyn ala nusqasyna sáıkes, Inder aýdanynyń turǵyny áıelіn basqa er adammen bіrge ustap alǵan. Osydan keıіn ekі er adamnyń arasynda janjal týyndaǵan.

Kúdіktі qarsylasyn soqqyǵa jyǵyp, odan 2,5 mıllıon teńge talap etken degen boljam bar. Jábіrlenýshі aqshany berýge kelіskenіmen, keıіn quqyq qorǵaý organdaryna júgіngen. Odan keıіngі barlyq áreket polıtsııanyń baqylaýymen júrgіzіlgen.

Atyraý oblystyq polıtsııa departamentіnіń málіmetіnshe, kúdіktіnі ustaý kezіnde onyń janynan 2 mıllıon 200 myń teńge tárkіlengen.

«Tіntý barysynda kúdіktіden qylmystyq jolmen alynǵan 2 mıllıon 200 myń teńge tárkіlendі. Qazіrgі ýaqytta atalǵan faktі boıynsha sotqa deıіngі tergep-tekserý júrgіzіlіp jatyr», – dedі Atyraý oblysy PD ekstremızmge qarsy іs-qımyl basqarmasynyń ókіlі.

Qazіr polıtsııa іstіń barlyq mán-jaıyn anyqtap jatyr. Tergeý múddesіne baılanysty quqyq qorǵaý organdary oqıǵanyń ózge egjeı-tegjeıіn jáne qylmystyń yqtımal sebebіn jarııalaǵan joq.