RUS
SMARTNEWS.KZ басылымының хабарлауынша, Respublica партиясының тең төрағасы болған Руслан Берденов енді бұл қызметті атқармайды. Бұл ақпаратты партияның баспасөз қызметі растады деп жеткізді Kazinform халықаралық агенттігі.
Айта кетейік, 2024 жылғы 24 ақпанда Руслан Берденов Шымкент қаласы әкімінің орынбасары қызметіне тағайындалған еді. Сол себепті оның Мәжілістегі депутаттық мандаты тоқтатылған болатын.
Берденовтың саяси мансабында биыл ауыр оқиға орын алды: 21 сәуір күні оған қастандық жасалып, ол ауыр жарақатпен ауруханаға түсті. Дәрігерлер жедел түрде ота жасап, өмірін сақтап қалды.
Сондай-ақ кеше осы қастандыққа байланысты қозғалған қылмыстық іс бойынша тергеу аяқталғаны хабарланды.
Руслан Берденовтің Respublica партиясынан кету себебі ресми түрде нақты көрсетілмеген.