RUS
Технопарк базасында студенттер, магистранттар және PhD докторанттар заманауи жабдықтарды қолдана отырып білім алады, сондай-ақ дипломдық жұмыстары мен жобаларына зерттеу практикасын жүргізеді.
«Біздің студенттер, магистранттар мен докторанттар контингенті жыл сайын артып келеді. Төрт мыңнан астам адам жаратылыстану-ғылыми және техникалық мамандықтарда оқиды. Университет заманауи оқу-зерттеу зертханаларына деген қажеттілікті сезінуде. Коммерциялық емес акционерлік қоғамына ауысуына байланысты университет технопарктер ашу құқығын алды. Бұл ғылыми жобаларды коммерцияландыру үшін қажетті шарт. Технопарктің ашылуы ғалымдардың қолданбалы жобаларын іске асыру үшін алаң құруға мүмкіндік береді», – дейді Е. Бөкетов атындағы ҚарУ әкімшілік-шаруашылық қызметі жөніндегі проректоры Асылбек Молдабаев.
Құрылыс университеттің өз қаражаты есебінен жүзеге асырылады. Бұл мақсатқа 485 млн теңгеден астам қаржы бөлінді.
Екі қабатты кең ғимараттың бірінші қабатында тәжірибелік-эксперименттік база орналасатын болады.
Инженерлік профиль зертханасы судың, топырақтың және мұнай өнімдерінің физика-химиялық сынамаларына арналған. Ал иондық-плазмалық технологиялар ғылыми-зерттеу орталығында күн батареяларын, жарықдиодты шамдарды, әртүрлі морфологиялық өлшеу датчиктерін және материал құрылымын дайындау жүргізіледі.
Техникалық, санитарлық және әкімшілік үй-жайлардан басқа, ғимаратта конференц-зал, стартап-жобаларға арналған кеңселер және робототехника зертханасы орналасады.
Құрылысты 2024 жылы аяқтау жоспарланған.