RUS
SMARTNEWS.KZ басылымының хабарлауынша, Жаңаөзенде лицей оқушылары 11-сынып оқушысының жетістігін қызғанып, оны ұрып-соққан. Бұл туралы Lada.kz сайты жазды.
Жаңаөзендегі "Білім-инновация" мектеп-интернатының 11-сынып оқушысы соққыға жығылған.
16 сәуірде мектеп бітірушіні үйінің дәл қасында құрдастары соққыға жыққан. Оның себебі көреалмаушылық екен, себебі ол жақында ғана шетелдік университетке грантқа түскен. Сондай-ақ шабуылға оның лицей президенті болған құрдасы себепкер екені белгілі болды.
Әкесі баласына көмекке келген, бірақ ол да аяғын жарақаттап алыпты.
Қазір жәбірленуші мен оның ата-анасы Жаңаөзен қалалық көпсалалы ауруханасында жатыр.
Мектеп басшылығы оқушыларға жәбірленушіге баруына және болған оқиға туралы ақпаратты жария етуге тыйым салып отыр дейді. Тіпті мәселені сыртқа шығармасын деп жәбірленушіге ақшалай сыйақы ұсынылған.Лицей әкімшілігі мен қалалық білім бөлімі лицей беделін түсіріп, жылы орындарынан айырылып қалмас үшін бұл жағдайды ауыздықтауға тырысып жатыр.
Жаңаөзен қалалық көпсалалы ауруханасының хабарлауынша, 11-сынып оқушысына бассүйектің жабық жарақаты, ми шайқалуы, контузия және бас терісінің маңдай аймағының тері астындағы гематомасы, бетінің контузиясы мен көгеруі, сондай-ақ сол жақ қабырға асты аймағының, сондай-ақ екі жақ сүйегінің буындарының соғуы диагнозы қойылған.
Әкесінде сол аяқтың 2-жілік сүйегінің жабық ұсақталған сынығы бар.
Маңғыстау облысының полиция департаменті мен білім басқармасы әзірге оқиғаға қатысты пікір білдірген жоқ.