RUS
SMARTNEWS.KZ басылымының хабарлауынша, Жаңаөзенде баласының әрекеті үшін анасы сот алдында жауап берді. Оның 15 жасар ұлы түн ортасында көлік құралын басқарған.
Істі Маңғыстау облысының кәмелетке толмағандардың істері жөніндегі мамандандырылған ауданаралық соты қарады. Онда әйелге ҚР ӘҚБтК-нің 127-бабының 3-бөлігімен айып тағылды. (Кәмелетке толмағанды тәрбиелеу және (немесе) білім беру, құқықтарын және (немесе) мүдделерін қорғау жөніндегі міндеттерді, қауіпсіздікті қамтамасыз ету жөніндегі шараларды орындамау).
Белгілі болғандай, оның кәмелетке толмаған 13.06.2009 жылы туған ұлы 06.04.2025 жылы түнгі сағат 03.00 шамасында Жаңаөзен қаласы, Жұлдыз шағын ауданында көлік құралын басқаруға құқығы жоқ күйінде автокөлік басқарған.
Осылайша, ана тәрбиесіндегі кәмелетке толмаған ұлын тәрбиелеу жөніндегі міндеттерді орындамай, ұлының әкімшілік құық бұзушылық белгілері бар қасақана іс-әрекет жасауына алып келген іс әрекетке жол берген.
Әйел сотта берген түсініктемесінде кінәсін мойындап, әкімшілік құқық бұзушылық туралы хаттамамен келісті.
Соттың қаулысымен әйел ӘҚБтК-нің 127-бабының 3-бөлігімен кінәлі деп танылып, оған әкімшілік жаза ретінде 55 048 теңге әкімшілік айыппұл салынды.