RUS
Биыл Түркістан облысында 71,3 мың гектар алқап егілген. Бүгінгі таңда өңірде 176 мың тонна қарбыз бен 405 мың тонна қауын жиналған.
Жыл сайын облыста жиналатын бақша өнімінің көлемі қазақстандық нарықтың қажеттілігінен 3,5 есе артық болғандықтан, артық өнім шетелге экспортталып отырады. Қазақстандық қарбыз бен қауынның негізгі тұтынушылары – Ресей, Беларусь және Латвия елдері.
Айта кетейік, Түркістан облысында қауын мақтадан кейінгі экспортқа бағдарланған екінші тауар болып табылады.
Ауыл шаруашылығы министрлігінің хабарлауынша, әлеуметтік желілерде Мақтаарал ауданының бақша алқаптарында түсірілген әуесқой бейнежазба таратылған. Онда фермерлер жиналған өнімге сұраныстың төмен болуына байланысты тонна қауынды лақтырып жатыр. Алайда, кадрлар Нұрлыжол ауылында түсірілгені анықталған, ал видеодағы өнімдер келесі жылы тұқым алу үшін қалдырылған қауынның қалдықтары.
Сондай-ақ ведомствоның ақпаратына сәйкес, қазір ауыл шаруашылығы тауарын өндірушілер арасында түсіндіру жұмыстары жүргізіліп жатыр.
Жалпы биыл саланы қолдауға 6,5 млрд теңге бөлініп, қаражат минералды тыңайтқыштарды субсидиялауға бағытталған. Тағы 375 млн теңге пестицидтер мен биогенттерді сатып алу шығындарын өтеуге жұмсалған. Тұқым шаруашылығын қолдауға 600 млн теңге қарастырылғаны жөнінде мәлімдеме жасалды.