RUS
SMARTNEWS.KZ басылымының хабарлауынша, АҚШ-тың Техас штатында болған қатты су тасқыны салдарынан кемінде 78 адам қаза тапты, олардың 28-і – балалар. Бұл туралы BBC жазды.
Техас штатының Керр округінің шерифі Ларри Лита жексенбі кешке журналистерге қаза тапқандардың саны округте 68-ге жеткенін айтты: 40 ересек және 28 бала.
Керр округінде балалар лагері су астында қалған. 10 қыз бала және оларды ертіп жүрген кеңесші әлі күнге дейін із-түзсіз жоғалғандар қатарында.
Із-түзсіз кеткендер Керрвилл қаласына жақын орналасқан, Гуадалупе өзенінің жағасындағы Camp Mystic атты жазғы христиандық лагерьде демалып жатқан. Қатты нөсер салдарынан өзен тасып, лагерьді су басқан.
Техастың бірнеше округінде төтенше жағдай жарияланды. Көптеген жолдар қираған, телефон байланысы үзілген.
BBC мәліметінше, құтқару жұмыстары жалғасуда.