RUS
SMARTNEWS.KZ басылымының хабарлауынша, грек-рим күресінен Қырғызстан астанасы Бішкекте өткен Азия чемпионатында 15 жасқа дейінгі балуандар жеңіске жетті. Жас балуандар бұл құрлықтық додада тоғыз жүлде иеленіп, жалпыкомандалық есепте бірінші орынды қанжығасына байлады.
Қазақстан құрамасының қоржынына түскен медальдардың ішінде бес алтын және төрт күміс бар.
Алтын жүлде иегерлері:
Пахитжан Нұрислам (38 кг)
Алмас Әли (41 кг)
Аманалі Диар (48 кг)
Ермек Самға (52 кг)
Төлеш Марлен (57 кг)
Күміс жүлдегерлер:
Сәрсенбай Сұлтанбек (44 кг)
Мұратов Әділжан (68 кг)
Серік Темірлан (75 кг)
Мәлік Ислам (85 кг)
Мұның алдында Вьетнамның Вунгтау қаласында 17 және 23 жасқа дейінгі балуандар арасында өткен Азия чемпионатында Қазақстан құрамасы 39 жүлде иеленіп, 13-і алтын медаль болатын.