"Келісі 1500 теңге": Ақтөбеде киік еті сатылымға шығарылды

01.12.2023, 19:23
1782
"Келісі 1500 теңге": Ақтөбеде киік еті сатылымға шығарылды AstanaTV

Кезінде заңмен тыйым салынған киік етінің қазір саудасы жүріп тұр.

SmartNews сайтының хабарлауынша, Ақтөбе қаласындағы «Айбек» ауыл шаруашылығы өндірістік кооперативі мен шаруашылық иесі Мәлік Смағұлов келісімге келіп, киік ұшасын сата бастады. Батыс Қазақстан облысынан тасымалданып жатқан киік етінің келісі 1 500 теңге деп бағаланған. Бұл туралы AstanaTV арнасы жазды.

Ақтөбе қаласының 41-разъезд аумағында орналасқан «Айбек» ауыл шаруашылығы өндірістік кооперативі киікті сойып береді. Сонымен бірге сатуға арналған орын ұсынып отыр. Ал өзге жұмыстың бәрі аң шаруашылығының иесі Мәлік Смағұловтың еншісінді. Ол киік ату үшін Ақтөбеден Батыс Қазақстан облысына екі бригада апарған.

- Өзім кәсіби аңшымын. 40 жылдық тәжірибем бар. Үкімет киік атуға рұқсат берген соң «Охотзоопром» РМҚК хабарласып, жағдайды білдім. Олар да негізгі талаптарды атады. Содан өз қызметкерлерімнен 13 адам, яғни, екі бригада апардым. Біз Батыс Қазақстан облысы Казталовка ауылына бардық. Сол жерде алдымен 825 бас киік атылды. Оны Ақтөбеге әкелгенімізбен, сатуға рұқсат берілмеді. Негізі ет комбинатымен арада келісім болған еді, - деді Мәлік Смағұлов.

Еске салсақ, қараша айында Ақтөбеге 800-ден астам киік ұшасы әкелінді. Ақтөбе облысы әкімінің баспасөз қызметі мал сою орындары қабылдауға дайын емес деп, кері қайтарғанын хабарлады. Алайда ол киік ұшасы кейін қайтарылмаған, Ақтөбе облысы аумағына көмілген.

- Ол кезде екі күн өткен соң рефрижератор, яғни, тоңазытқыш істен шықты. Сөйтіп 50 бас киік бұзылып кетіп, бәрін утилизацияға жіберуге мәжбүр болдық. Қоқыс полигоны қымбат болып, Қобда ауданындағы карьерге көмдік. Содан кейін 351 бас әкелдім. Ол бір күнде өтіп кетті. Бүгінгісі 407 бас. Ол да бір күнде өтеді деп жоспарлап отырмыз. Құны келісіне 1 500 теңге, - деді Мәлік Смағұлов.

Оның айтуынша, БҚО-да сағат 19:00-ден таңғы 6:00-ге дейін киік аулауға рұқсат беріледі. Аңшылардың жанында инспекторлар ере жүріп, әр киіктің мүйізін кесіп алады.

- Күндіз атуға рұқсат жоқ. Ал түнде соңымызда трактор, ГАЗель жүреді. Атқан киіктер бауыздалады, ішек-қарны алынады. Кейін бір түн салқын жерде ұстап, тоңазытқышқа саламыз. Ондағы температура -19-20 градус. Екі күн сақталады. Себебі 400-500 басты киікті бір күнде аулау мүмкін емес. Бір күнде ет комбинатына әкеліп сойдырамыз. Халықтан сұраныс көп. Бізге 10 желтоқсанға дейін атуға рұқсат беріп тұр, - деді ол.

Қазіргі кезде ақтөбеліктер киікті ұшасымен сатып алып жатыр. Әр сатып алушыға жөнелтпе хат беріліп, онда келісі мен құны жазылады.

Айта кетейік, шаруашылық киіктің келісіне мемлекетке 315 теңге төлейді. Алғаш атып алған 825 бас киіктің шығыны 5,5 млн теңгеге жуықтаған. 

Қазақстандық әйелге әлеуметтік желідегі видеосы үшін 664 мың теңге айыппұл салынды Туған анамды іздеу осыншалықты қиын болады деп ойлаған жоқпын – Бельгиядан келген Жәнібек Александр Бублик Дубайда 22 эйс жасап, ширек финалға шықты Президент Тамаш Шуйокты құттықтады «20 жыл бойы айтуға қорқып келдік»: Кәсіпкер Бас прокуратураға Әлия Назарбаеваның үстінен арыз түсірген «Өзіңізді құр қол қоймаймын» деп сотталып кетпеңіз «Үлгі алатын адам емес». Ажырасқан әйелдерге шектеу қойылады Алматылық оқушылар роботехникадан Хьюстон мен Лондонға жолдама жеңіп алды Шымкенттегі жанжалда жас жігіт қарсыласына оқ атқан (ВИДЕО) Президент теміржол саласын цифрландыруды тапсырды "Пойызға мінгенді ұнататын еді": Ескендір Хасанғалиевтің келіні қайын атасы туралы естелігін бөлісті Президент ҚТЖ мен Қытайдың Huawei компаниясы бірлесіп құрған жаңа Инновациялық орталықты ашты Головкин балалардың психологиясын бұзғаннан басқа ештеңе әкелмейді - Ахметбек Нұрсила Аймағамбетов «Отағасы туралы» заңды қолдамайтынын айтты Apple электромобиль шығару жоспарынан бас тартты Бағлан Әбдірайымовтың қайыр сұрап отырған суреті көпшілікті алаңдатып қойды (фото) Қарағандыда көпқабатты үйдің дәлізінен табылған баланың ата-анасы ұсталды Анасын іздеп жүрген Жәнібек Қазақстанға қайта келді Интернет арқылы бүйрегін сатпақ болған ақтөбелік 1,5 жылға сотталды “Өгей ана туған анаңның орнын баса алмайды”: Абай Бегейдің қызы екінші анасымен қалай танысқанын айтты