RUS
SMARTNEWS.KZ басылымының хабарлауынша, Ресейдің Пермь өлкесінде жұмысынан үйіне қайтып бара жатқан әйел найзағайдың соққысынан көз жұмды.
Оқиға Юсьва ауданында болған. Telegram-дағы SHOT арнасының жазуынша, 52 жастағы әйел — Дзержинский атындағы колхоздың қызметкері — жұмыстан қайтып келе жатқанда қатты жауынға тап болады. Үйінің маңында найзағай тура оған түсіп, мерт қылған.
Марқұмның денесін жолдан өтіп бара жатқан адам байқап, бірден жедел жәрдем мен полиция шақырған.
Қазір оқиғаның нақты мән-жайын анықтау үшін тергеу жүріп жатыр. Аймақтық тергеу комитеті бұл — биыл Ресейде найзағайдан болған алғашқы өлім оқиғасы екенін мәлімдеді.