RUS
“Қазақстанда ақырындап орыс тілі ығысып жатыр. Түрлі орындардың орысша атауын қазақшалауда. Бұл – өте қауіпті үрдіс. Одан кейін орыс мектептерін жабу, Кеңес заманында орнатылған ескерткіштерді алып тастау, орыс тілінде сөйлеуге тыйым салу секілді дүниелер бар”, – дейді ресей журналисті.
Тина Канделаки «Уральск» атауының – «Орал», «Узень» атауының «Жаңаөзен» деп өзгеруі туралы да сөз қозғады.
Оның бұл пікіріне Динара Сәтжан жауап берді.
"Қымбатты Тина! Біріншіден, біз тәуелсіз мемлекетпіз. «Есіктен кіріп, төр менікі деме» деген мақал бар. Сондықтан теміржол станцияларына қандай атау қоятынымызды өзіміз шешейік.
Екіншіден, Қазақстан егемен жылдарында кеңестік биліктің салдарынан жоғалтып алған ана тілін қайтарып жатыр.
Үшіншіден, орыс тілі – ұлтаралық қарым-қатынасқа арналған ресми тіл ретінде, ал қазақ тілі – мемлекеттік тіл ретінде қолданылып келеді. Бұл Конституцияда бар.
Теміржол вокзалдары өздерің жазғандай өзгертілген жоқ. Бірақ бұл – қазақ тіліндегі дұрыс аумақ атаулары. Орыс тілінің ығысуына қандай қатысы бар?! Ал біз тек мемлекеттік тілді ғана емес, сонымен қоса орыс, ағылшын тілдерін де білеміз.
Бұл біздің күшіміз!" - деді Сәтжан.