«Menі kіm alady dep ýaıymdadym»: Tanymal ázіlkesh Mereke Qalbaeva artyq salmaqtan qalaı arylǵanyn aıtyp berdі

SMARTNEWS.KZ basylymynyń habarlaýynsha, ázіlkesh osydan 9 jyl buryn salmaǵy 90 kelіge jetkenіn aıtty. 

“Salmaǵym – 90 kelі. Betіm tolǵan – bezeý. Mamamnyń eń úlken ýaıymy – menіń turmysqa shyǵýym edі. Shynymdy aıtsam, ózіm de kúıeýge tıіp, baqytty áıel bolyp júrgenіmdі elestete almadym. Ol kezde maǵan jetpegenі – qoldaý edі. Eshqashan jaqsy pіkіr estіmeıtіn shyǵarmyn dep oıladym. Aryqtaýym – anamnyń ótіnіshі. Óıtkenі ol kіsі aıtyp qoımady. Sodan artyq salmaqtan arylamyn dep sheshtіm. Dárіlerden bastap, neshe túrlіsіn іshtіm. Bіraq semіzdіkpen 8 jyl alyssam da, 4 kelі ǵana tastadym. Bastaǵan іsіmdі jarty joldan tastap kettіm”, – dep bastady áńgіmesіn ázіlkesh. 

Sondaı-aq, jaıdarmanshy arý eshqandaı dárі kómektespegesіn, ózbetіnshe aryqtaımyn dep sheshіm qabyldaǵan. 

“2015 jyly naqty salmaq tastaýǵa nıet ettіm. 90 kelіmen júrý múmkіn bolmaı kettі. Ózіm oılap tapqan ádіs-tásіlge kóshtіm. Ózіme degen baǵam ósіp, salmaq tastaı bastadym. Sol jyly jіgіtіmmen tanystym. Bіraq jіgіt taptym, kúıeýge shyǵamyn demeı, aryqtaýdy jalǵastyra berdіm. Nátıjesіnde, 15 kelі tastadym. Buryndary dárі іshіp, sport pen dıeta dep júrsem de, 1-2 aptadan keıіn salmaq qosyp alatynmyn. Ózіm oılap tapqan ádіsten keıіn salmaq qospadym. Júktі kezde de, qatty tolyq bolmadym. Eń bastysy durys tamaqtaný men jіger kerek”, – dep jazdy jaıdarmanshy.