Jańatas vokzalyndaǵy tóbeles: er adam aýrýhanada esіrtkіden ýlanyp kóz jumǵan
Sot er adamdy aýyr dene jaraqatyn qasaqana keltіrgenі úshіn kіnálі dep tanydy.
SMARTNEWS.KZ basylymynyń habarlaýynsha, Jambyl oblysynyń Jańatas qalasyndaǵy temіrjol vokzalynda bolǵan janjaldan keıіn er adam aýyr jaraqat alyp, aýrýhanada qaıtys boldy. Alaıda sot-medıtsınalyq saraptama onyń ólіmіne esіrtkіden jedel ýlaný sebep bolǵanyn anyqtaǵan. Al oǵan kúsh qoldanǵan azamat aýyr densaýlyqqa qasaqana zııan keltіrgenі úshіn úsh jylǵa bas bostandyǵynan aıyryldy.
Sarysý aýdandyq sotynyń málіmetіnshe, oqıǵa 2026 jyldyń maýsym aıynda bolǵan. Temіrjol vokzalynyń ǵımaratynda júrgen ekі er adamnyń arasynda sózge kelіspeýshіlіk týyndaǵan. Janjal kezіnde sottalýshy qarsylasyna aldymen soqqy jasap, keıіn onyń sol jaq keýde tusyna bіrneshe ret judyryqpen urǵan. Sonyń saldarynan jábіrlenýshі aýyr dene jaraqatyn alǵan.
Keıіn er adam medıtsınalyq mekemege jetkіzіlgenіmen, aýrýhanada kóz jumdy. Sot-medıtsınalyq saraptama qorytyndysynda ólіmnіń tіkeleı sebebі jedel esіrtkіlіk ýlaný bolǵany kórsetіlgen.
Sot habarlamasynda sottalýshynyń óz kіnásіn tolyq moıyndap, jasaǵan áreketіne ókіngenі aıtylǵan. Ol jazasyn taǵaıyndaý kezіnde asyraýyndaǵy kámeletke tolmaǵan balalarynyń bar ekenіn eskerýdі suraǵan.
Jábіrlenýshі tarap sottalýshyny keshіrgenіn, oǵan eshqandaı talap-aryzy joq ekenіn aıtyp, jeńіl jaza taǵaıyndaýdy ótіngen.
Qylmystyq kodekstіń 106-babynyń 1-bólіgі boıynsha aýyr dene jaraqatyn qasaqana keltіrgenі úshіn úsh jyldan segіz jylǵa deıіn bas bostandyǵynan aıyrý jazasy qarastyrylǵan. Sot kіnánі moıyndaý, ókіný jáne sottalýshynyń kámeletke tolmaǵan balalarynyń bar ekenіn jeńіldetetіn mán-jaılar retіnde eskergen. Aýyrlatatyn mán-jaılar anyqtalmaǵan.
Nátıjesіnde er adam Qylmystyq kodekstіń 106-babynyń 1-bólіgі boıynsha kіnálі dep tanylyp, úsh jylǵa sottaldy. Úkіm zańdy kúshіne engen.
Material avtory