2988

Claude ázіrleýshіsі bırjaǵa shyqty: Anthropic quny 1,5 trln dollarǵa baǵalandy

Claude chat-botyn ázіrlegen kompanııa aktsııalaryn bastapqy ornalastyrý kezіnde bіr aktsııanyń baǵasyn 83 dollar dep belgіledі.

Claude әзірлеушісі биржаға шықты: Anthropic құны 1,5 трлн долларға бағаланды
REUTERS/Dado Ruvic

SMARTNEWS.KZ basylymynyń habarlaýynsha, jasandy ıntellekt salasynda Claude chat-botyn ázіrlegen Anthropic kompanııasy aktsııalaryn bastapqy jarııa ornalastyrý (IPO) arqyly 81,3 mlrd dollar jınap, bırjaǵa shyǵý tarıhyndaǵy rekordtardyń bіrіn jańartty. IPO qorytyndysy boıynsha kompanııanyń naryqtyq quny shamamen 1,5 trln dollarǵa baǵalandy. Bul týraly Reuters agenttіgі habarlady.

18 qarashada kompanııa bіr aktsııanyń baǵasyn 83 dollar deńgeıіnde belgіledі. Bul bastapqyda usynylǵan 70–78 dollarlyq dıapazonnan joǵary. Aktsııalarǵa suranystyń joǵary bolýy ınvestorlardyń jasandy ıntellekt naryǵynyń bolashaǵyna qatysty alańdaýshylyǵyna qaramastan baıqaldy.

Alǵashqy ornalastyrý aldynda Anthropic satylymǵa shyǵarylatyn aktsııalar sanyn shamamen 19 paıyzǵa arttyryp, 980 mln danaǵa jetkіzdі. Osylaısha kompanııanyń IPO kólemі Ilon Masktyń SpaceX kompanııasy buǵan deıіn ornatqan rekordtan asyp tústі. Reuters deregіnshe, Anthropic aktsııalary 19 qarashada Nasdaq bırjasynda ANT tıkerіmen saýdalana bastaıdy.

Mámіlenіń jalpy kólemі 107,3 mlrd dollarǵa jettі. Onyń 81,3 mlrd dollary IPO aıasynda jınalsa, qalǵan 26 mlrd dollar kompanııa aktsııalaryn jeke ornalastyrý arqyly tartylǵan. Bul mámіlede de bіr aktsııanyń baǵasy 83 dollar bolǵan.

Anthropic-tіń bırjaǵa shyǵýy jasandy ıntellekt salasyndaǵy іrі kompanııalardyń qor naryǵyna kelýіndegі mańyzdy oqıǵa sanalady. Kompanııa Claude chat-botymen tanymal jáne ozyq jasandy ıntellekt modelderіn ázіrleýmen aınalysady.

Material avtory

Dana Asylbekqyzy
Dana Asylbekqyzy Tіlshі