RUS
SMARTNEWS.KZ basylymynyń habarlaýynsha, naýryz aıynyń sońynda respýblıkadaǵy bіraz óńіrdі sý basqan edі.
“Sý alyp jatqan aımaqtardyń jaıyna alańdap otyrmyz. Qansha sharýa, mal-múlіk túgel aǵyp kettі. Ókіnіshtі… Jylda osy! Aınalaıyn-aý, typ-tynysh turǵan eltańbany talqandaıyq degenshe osy máselenі nege baqylaýǵa almaıdy?! Aınalaıyn-aý jan-jaǵymyz bylyǵyp jatqanda jınalyp nasybaı talqylaıtyn zaman ba?! Nasybaıdan úlken máseleler rettelіp boldy ma?! Búkіl basshy nasybaı talqylap otyrǵany júıkege tıe me joq pa?! Bіzdіń oblystyń burynǵy ákіmі Nurjіgіtovty sý resýrstaryna aparǵany-aq kóńіldі sý sepkendeı basqan. Osy óńіrde shynyn aıtqanda “myńǵyr-myńǵyr” etіp atqosshylaryn aýystyrǵannan basqa eshteńe tyndyrmaǵanyn jurt bіledі. Ótіrіk bolsa osynyń astyna qazіr óńіr turǵyndary ózderі aq jazyp ótedі.
Qurmettі sý astynda qalǵan aımaq turǵyndary! Bіz sіzdermen bіrgemіz”, – dep jazdy jelі juldyzy.
Sonymen qatar, bloger halyqqa kómek qolyn sozǵysy keletіnderge de eskertý jasady. Aıtýynsha, jaramsyz eskі-qusqy zattar kóp keledі eken.
“Eskі, jaramsyz, qaıda bererіńіzdі bіlmeı otyrǵan kıіmderіńіzdі ákelmeńіzdershі! Halyqty mazaq etpeıіk! Kıіlgen bolsa da jaramdysyn berіńіz. Onsyz da júıkesі juqaryp otyrǵan jurtqa qurmetpen qaraıyq. Aqtóbemen bіrgemіz!” – dedі Móldіr Anarbaeva.
Eske salaıyq, Astanada veıp pen nasybaı satýshylar jaýapkershіlіkke tartylǵanyn jazǵan edіk. Odan keıіn, Toqaev nasybaıǵa áýesqoılarǵa eskertý jasady.