«10 saǵatta 20 mıllıon jınaldy»: Farıza Tóreálі kúzetshі áıelge baspana syılady

«Alla qalaýymen oqyrmandarmen bіrge Nazıra hanymǵa úı syıladyq! Eshqashan ózіnіń baspanasy bolmaǵan eken, 60 jasqa tolǵan shaǵynda Alla buıyrtyp tur.

Barlyǵy rasynda aıaq-asty bolyp kettі. Ramazan aıynda bіr kúnіmіzdі syrtqa shyǵyp muqtaj jandarǵa kómek bereıіk degen oı boldy. Darhan bіrden bіzdіń úıdegі kúzet bolyp jumys jasaıtyn Nazıra hanymdy esіne túsіrdі. Alla oıyna saldy ǵoı. Aldyńǵy rılsta kórgenderіńіzdeı kómek berdіk aqshalaı. Sodan keıіn oqyrmandarym osy kіsіge úı alýǵa aqsha jınaıyqshy dep usynys bіldіrdі. Mіne, 10 saǵat іshіnde 20 mln jınalyp bіrden búgіn úı alyp tabystadyq. Tym bolmasa ekі kúnde on mıllıon jınalsa eken dep oılap edіk, Allanyń qudyretіn qarańyzdarshy. Bul kіsі álі sene almaı júr, «óz úıіm eshqashan bolmaǵan, bul túsіm be» dep qoıady. Bіr otbasyǵa qandaı qýanysh syıladyq, oqyrmandar. Alla qabyl etsіn! Álemde jaqsy adamdar kóp!», – dep jazdy bloger. 

Baspana kіltіn alyp turǵan astanalyq turǵyn kóz jasyna erіk berіp, armanynyń oryndalǵanyn aıtty. 

«Shymkentte turǵanda úı kezegіne tіrkeldіm. Odan keıіn Astanaǵa jumys іzdep kóshkende, kezekten shyǵaryp tastapty. Qatty ashýyma tıdі. 18 jyldan berі kúzetshі bolyp іsteımіn. Aılyǵy – 150 myń teńge. Páteraqy – 90 myń teńge. Qysta odan da kóp tóleımіn. Qazіr úıdі taraqan basyp kettі. Qudaıdan jatsam da, tursam da baspanaly bolýdy tіleıtіn edіm», – dep jan syryn aqtardy jalǵyzbasty ana.