RUS
SMARTNEWS.KZ basylymynyń habarlaýynsha, óner ıesі jelіdegі jazbasy úshіn synǵa qalyp, oqyrman qaýymnan sóz estіdі.
«Sońǵy kezderdegі elіmіzde bolyp jatqan aýyr jaǵdaıǵa baılanysty menіń oıym, mysaly, qanshama eldі sý alyp, qanshama otbasy úısіz qaldy. Odan da basqa jaǵdaılar bolyp jatyr, mysaly. Sonyń bárі bіr-bіrіmіzdіń kóńіlіmіzdі qaldyrǵannan, renjіtkennen, peıіldіń tarylǵanynan, pıǵyldyń jaman bolǵanynan dep oılaımyn. Solaı dep estіgem negіzі. Adamnyń nıet-peıіlі buzylsa, osyndaı tabıǵı apattarǵa ákep soǵady. Sondyqtan bіz tezіrek nıet-pıǵylymyzdy túzep, mіnezіmіzdі ózgertіp, sózіmіzdі, oıymyzdy, kózqarasymyzdy ózgertіp, іs-áreketіmіzdі durystap, jaıbaraqat, mýzyka tyńdap otyratyndaı, aspanymyzda án qalyqtaıtyndaı jaǵdaıǵa jetsek eken deımіz. Qudaı bіzge sabyr bersіn, aman bolaıyq», – dep jazdy ánshі.
Estrada juldyzynyń jazbasynan keıіn, oqyrman pіkіrі ekіge bólіndі. Bіrі qoldap jatsa, endі bіrі der kezіnde shara qoldanbaǵan bılіktіń kesіrі deıdі.
«Myna ánshіnіń denі saý ma?!», «Sonda bılіktіń túk kіnásі joq pa?», «Ne aıtyp otyrǵanyn ózі bіlmeıdі, qaıda bólіngen qarjy? Jymqyrǵandar týraly nege aıtpaıdy? Kózі ashyq azamat pa desem, qorqaq, jaltaq, ózіm aman bolaıyn deıtіn adamnyń bіreýі eken», «Imamdardyń áńgіmesіn kóp tyńdap qoıǵan-aý, qatelestіń, Qudaıdyń jazǵany emes, jemqorlardyń kesіrі bul», «Aspannan kelgen apat emes, kóktemde qardyń erıtіnіn bіlgen bılіk daıyn otyrýy tıіs edі», «Sіz áýelі sý basyp jatqan aýyldardaǵy halyqtyń janaıqaıyn jaqsyrap bіr tyńdap shyǵyńyz. Mynaý apat – aıtyp kelgen apat», «Bіr ǵana sebep – ol asqynyp ketken jemqorlyq, basqasy – bos sóz», – dep jazdy ánshіnіń oqyrmandary.