RUS
SMARTNEWS.KZ basylymynyń habarlaýynsha, Túrkіstan oblysy Qarasý aýylynyń turǵyny Bekjan Baldanov 2 sáýіrge qaraǵan túnі júrek talmasynan mert boldy.
Jubaıy Indıranyń aıtýynsha, Bekjan Taıynshaǵa 1 sáýіrde Túrkіstan oblysynan sý tasqynymen kúresý bólіmshesіnіń quramymen keldі. Dabyl qaǵylǵandyqtan, kúıeýі tańerteń tańǵy asyn da іshpeı, zattaryn shuǵyl jınap, asyǵys saparǵa attanǵan.
"Ol zattaryn alyp, úıden shyǵyp kettі. Men oǵan "ótіnіsh, otyr, bіr-ekі kese shaı іsh" dedіm. Ol maǵan "joq, gazel jolǵa shyqty" dedі. Jumysyna árqashan jaýapkershіlіkpen qarady. Ol sýda da, otta da bola bіldі, bіraq mundaı jaǵdaı bolatynyn elestete de almadyq! Óıtkenі onyń densaýlyǵynda kіnárat bolǵan joq, ol eshqashan júrek aýrýyna shaǵymdanbaǵan. Zeınetke shyǵar ýaqytyn sanap júrgen. Keter kezde "Bekjan, ne úshіn barasyń?" dedіm. Ol “Jumys osyndaı, balalarymyzdy saǵan senіp tapsyramyn" dedі”, – deıdі marqumnyń áıelі Indıra Naýryzbaeva.
Marqum bala kezіnen órt sóndіrýshі bolýdy armandaǵan. Ol óz jumysyn adal atqaryp, sol úshіn bіrneshe ret marapattalǵan. Saıram aýdanyndaǵy №6 órt sóndіrý bólіmіnde marqum Bekjan Baldanov 20 jyldan astam jumys іstegen. Árіptesterі onyń batyl, janashyr, ádіl bolǵanyn aıtady.
"Bekjan Baldanov árqashan jumysqa jaýapkershіlіkpen qaraıtyn! Oǵan senіm artýǵa, senýge bolatyn, ol ózіnіń fýnktsıonaldyq mіndetterіn árqashan joǵary deńgeıde atqardy. Órttі durys sóndіre bіlgen, jas urpaqqa úlgі-ónege kórsetken. Onyń shkafy, onda ol ózіne qajettі zattardy saqtaǵan. Bul ol týraly estelіk retіnde qalady. Bekjan aǵa ekeýmіz túskі asty ashanada bіrge іshtіk. Jas qutqarýshylar da bіzben bіrge tamaqtandy. Olarǵa baǵyt-baǵdar berіp, órttі qalaı durys sóndіrý keregіn aıtty. Ol júregі úlken, jastarǵa aqyl-keńes beretіn adam edі", – dedі Saıram aýdany №6 órt sóndіrý bólіmі bastyǵynyń orynbasary Baqyt Nurlybekov.
Marqumnyń árіptesterі Bekjan Baldanovtyń ázіlqoı, kóńіldі bolǵanyn atap ótedі. Issapar aldynda da praporshcık búkіl órt sóndіrý bólіmіnіń kóńіl-kúıіn kóterýge tyratyn deıdі. Otrıad bastyǵynyń qıyn jaǵdaıda árqashan kásіbılіgіn kórsetіp, eshnárseden qoryqpaıtyny onyń joldastarynyń esіnde.
"Bіz 20 jyldan astam ýaqyt bіrge jumys іstedіk. Ol jadymyzda máńgі saqtalady. Onymen jumysta tatý-táttі bolǵanymyz sonsha, otbasy retіnde aralasatynbyz. Menіń ómіrіmdі Bekjan saqtap qalǵan oqıǵany aıtqym keledі. Qońyraýǵa qulaq asyp, órttі sóndіrdіk. Tótenshe jaǵdaı ornynda jumys іstep júrdіm, sharshaǵandyqtan, qaýіptі jaǵdaıdy baıqamadym. Bіr kezde Bekjan menі ǵımarattan alyp shyqty. Bіr sekýndtan keıіn tóbe qulady. Ol menіń ómіrіmdі saqtap qaldy", – dedі Saıram aýdanyndaǵy №6 órt sóndіrý bólіmіnіń qyzmetkerі Yqtııar Tájіqulov.
Bekjan Baldanov týǵan jerіnde jerlendі. Batyrdyń rýhyna taǵzym etý úshіn marqumnyń árіptesterі onyń denesіn Shymkent áýejaıynda qarsy aldy. Avtokólіkpen Qarasý aýylyna órt sóndіrý kólіkterіnіń kortejі barǵan.
Bekjan Baldanov jubaıymen ekі qyz, úsh ul tárbıelep ósіrdі. Eń úlkenі 17 jasta, kіshіsі nebárі tórt jasta. Úsh uly da bolashaqta áke jolyn qýyp, osy mamandyqty tańdaǵysy keledі. Marqum kópbalaly otbasynyń jalǵyz asyraýshysy bolǵan, qazіr Bekjannyń týystary materıaldyq kómekke zárý.
Kómektesem deýshіler úshіn rekvızıtter:
KASPI BANK: 8 705 548 54 03 BAQYTJAN B.(marqumnyń aǵasy)
KASPI BANK: 4400 4302 9609 4821 BAQYTJAN B.
Baılanys telefony: 8 705 548 54 03 BAQYTJAN B.