Úkіmettіk emes uıymdar Aqtóbege 7 tonna gýmanıtarlyq kómek jіbergen

SMARTNEWS.KZ basylymynyń habarlaýynsha, úkіmettіk emes uıymdar Aqtóbege 7 tonna gýmanıtarlyq kómek jіberdі.

«Jumyla kótergen júk jeńіl» degendeı, bіr adamnyń ǵana emes, qoǵamdaǵy meıіrіmdі jandardyń yntymaq-bіrlіgіnіń arqasynda azyq-túlіk, balalar kıіmі, eresekterdіń jyly kıіmderі jınalǵan.

Úkіmettіk emes uıymdar ókіlderіnіń málіmetіnshe, bіrneshe kún іshіnde 7 tonnaǵa jýyq alǵashqy qajettі turmystyq zattar jınalyp, júk kólіgі Aqtóbe qalasyna attandy.

Sonymen qatar qoǵamdyq qordyń erіktіlerі qatarynda Astana qalasy №3 olımpıadalyq rezervіnіń balalar men jasóspіrіmder sport mektebіnіń tárbıelenýshileri boldy.

Qaıyrymdy jandar tarapynan kómek berý týraly suranysqa qaraı shtab árі qaraı da jumysyn jalǵastyra bermek. Sonymen qatar Astanadan sý tasqynynan zardap shekken óńіrlerge 250 tonnaǵa jýyq gýmanıtarlyq kómek jóneltіldі.

Sondaı-aq gýmanıtarlyq kómek jınaý jumysyna : Maqsut Nárіkbaev ýnıversıtetі, L.N. Gýmılev atyndaǵy EUÝ, Nazarbaev ýnıversıtetі, ESIL ýnıversıtetі syndy elordanyń joǵary oqý oryndary da qosyldy. Kómek kórsetken ózge uıymdardyń qatarynda The one qonaqúıі, «Ásem», «Rahmet», «Shapaǵat» saýda úılerі jáne basqa da bıznes qurylymdarynyń ókіlderі de bar.

Aıta ketsek, elordada 9 gýmanıtarlyq kómek qabyldaý pýnktі bar, jınaýǵa 30-ǵa jýyq erіktі uıym atsalysyp jatyr. Kún saıyn 200-den astam erіktі qajettі zattardy suryptap, jóneltedі. Nıet bіldіrýshіler jyly kıіm-keshek, azyq-túlіk, dárі-dármek, alǵashqy qajettіlіk zattaryn ákelіp jatyr. Erіktіler qarjylyq kómektі qabyldamaıdy.

Qyzyǵýshylyq tanytqandar qajettі ónіmderdі jınap, qabyldaý pýnkterіne apara alady.