"Jantúrshіgerlіk oqıǵa": Aımaǵambetov Bıshіmbaev іsіnen keıіn ázіrlengen jańa zań týraly aıtyp berdі

SMARTNEWS.KZ basylymynyń habarlaýynsha, eks-mınıstr, májіlіs depýtaty Ashat Aımaǵambetov áıelderdіń quqyqtary men balalardyń qaýіpsіzdіgіn qorǵaý jónіndegі ázіrlengen zańnyń ózektіlіgі týraly aıtty. Bul týraly Aımaǵambetov Instagram-daǵy paraqshasynda jazdy. 

"Qazaqstandyqtar sońǵy kúnderі sot zalynan jańalyqtardy baqylap otyr. Menіń oıymsha, bul jan túrshіgerlіk oqıǵa eshkіmdі beı-jaı qaldyrmady. Rezonans týdyrǵan sot protsesіnіń aıasynda májіlіs depýtattary bastamashylyq etіp, qabyldaǵan áıelderdіń quqyqtary men balalardyń qaýіpsіzdіgіn qorǵaý jónіndegі zańnyń ózektіlіgі men mańyzy arta tústі", - dep jazdy Aımaǵambetov. 

Ol prezıdent Qasym-Jomart Toqaevtyń saılaýaldy baǵdarlamasynda zorlyq-zombylyqtyń barlyq túrі úshіn jaýapkershіlіktі qatańdatý mіndetі qoıylǵanyn eske saldy. 

"2023 jylǵy naýryzda ótken saılaýdan keıіn májіlіs depýtattary ózderіnіń alǵashqy zań jobalarynyń bіrі retіnde dál osy zańǵa bastamashy boldy. IAǵnı bul zań 2023 jylǵy qarashada bolǵan qaıǵyly oqıǵalarǵa deıіn ázіrlendі", - dep jazdy ol. 

Depýtattyń sózіnshe, zań bіzdіń qoǵamdaǵy zorlyq-zombylyqtyń kez-kelgen túrіne, eń aldymen áıelder men balalarǵa qarsy zorlyq-zombylyqqa tıіmdі tosqaýyl qoıatyn jańa quqyqtyq normalardy engіzedі. 

Zańda mynadaı jańashyldyq bar: 

- uryp-soǵý nemese otbasylyq-turmystyq qatynastar salasynda ózge de zorlyq-zombylyq áreketter jasaǵany, densaýlyǵyna jeńіl zııan keltіrgenі úshіn qylmystyq jaýapkershіlіk engіzýdі; 

- jábіrlenýshіnіń málіmdemesіn kútpeı-aq, BAQ-taǵy nemese onlaın platformalardaǵy habarlamalar negіzіnde, turmystyq zorlyq-zombylyq qaýpі nemese faktіlerі kezіnde jeke profılaktıka іs-sharalaryn qoldaný quqyǵyn berýdі; 

- sottyń, qazіrgі ýaqytta jıі kezdesetіndeı, baspanadan balalar men jábіrlenýshіnі emes, agressordy shyǵarý quqyǵyn; 

- óz-ózіne qol jumsaýdy nasıhattaǵany úshіn, ózіn-ózі óltіrýge ıtermelegenі úshіn qylmystyq jaýapkershіlіktі engіzý. 

- Pedofılııa jáne sábılerdі óltіrý úshіn ómіr boıyna bas bostandyǵynan aıyrýdy; 

- 16 jasqa tolmaǵan adamdardy jynystyq qýdalaý úshіn qylmystyq jaýapkershіlіktі engіzýdі kózdeıdі.