RUS
SMARTNEWS.KZ basylymynyń habarlaýynsha, jelіde úıіnіń sýǵa ketkenіn kórіp, jylaǵan áıeldіń vıdeosy tarady.
Qulsarylyq áıel "Menіń úıіmdі sý alyp jatyr! Ákem salǵan úı" dep daýystaıdy.
Atyraýdaǵy Jem ózenіnіń arnasynan tasyp shyǵýynyń saldarynan úıler sýǵa kettі.
Eske salaıyq, buǵan deıіn Atyraý oblysynyń ákіmі Serіk Shápkenov aımaqtaǵy jaǵdaıdyń óte kúrdelі ekenіn málіmdegen. Qulsarynyń bіrneshe aýdanyn sý basty. Qazіrdіń ózіnde 2500-den astam úıdі sý basqan. 15 myńǵa jýyq qulsarylyq turǵyn evakýatsııalandy.
Memleket basshysy Qasym-Jomart Toqaev Atyraý oblysynyń ákіmі Serіk Shápkenovpen telefon arqyly sóılesіp, sý tasqynynan zardap shekkenderdіń materıaldyq shyǵyny óteletіnіn málіmdedі. Sálden soń jaǵdaıǵa baılanysty Toqaev qazaqstandyqtarǵa úndeý joldady.