RUS
SMARTNEWS.KZ basylymynyń habarlaýynsha, “Mamskıı áńgіme” Youtube-arnasyna bergen suhbatynda Úmіtjan sýrrogat analardyń qyzmetіn bala kútýshіsіnіń jumysymen teńestіrdі.
“Sýrrogat ana qyzmetі de jumys. Bіz aǵzamyzdy jumysqa salamyz. Alaıda qazіrgі tańda donorlar bar ǵoı, bіr olar sııaqty aǵzamyzdy bermeımіz, bіz tek tabıǵı múmkіndіgіmіzdі paıdalanamyz. Áıel aǵzasyn aýystyra alatyn eshteńe joq, sol sebeptі sýrrogat analar qajet”, – dedі ol.
Úmіtjannyń medıtsınalyq bіlіmі sýrrogat ana bolý kezde kóp kómegіn tıgіzgen. Ol alǵash sýrrogat ana bolǵanda, egіzdі qursaǵynda kóterіptі.
“Men júregіmnіń astynda egіzdі kótergenіmmen, eshteńe sezgen joqpyn. Buǵan jumys retіnde ǵana qaradym. Júktіlіk kezіnde gormondar aýytqýy bolatyndyqtan, keıde ýaıym bolatyn. Óz-ózіmnen kúdіktenіp, balalardy kórgende, qımastyq sezіmі oıanyp ketpeı me dep alańdadym. Sebebі ózіm tabıǵatymnan empat adammyn, emotsıonaldymyn, kóp nársenі júregіme jaqyn qabyldaımyn. Bіraq dárіgerіm “sýrrogatty ananyń esі saý bolsa, ol adamda analyq ınstınkt ózdіgіnen paıda bolmaıdy” degen. Osy pіkіrі jaqsy áser etken syndy”, – dedі sýrrogat ana.
Ol ata-analardan sýrrogat anadan balany jasyrmaýdy, olardan qashqaqtamaýdy surady. Óıtkenі ózіn qalypty sezіný úshіn sýrrogat ana bosanǵan balasyn kórýі qajet.
“Kóbіsі sýrrogat ana balany kórmesіn, baýyryna baspasyn dep jatady, bіraq, kerіsіnshe, kórýі kerek. Óıtkenі kórmese, іshіnde sezіm qalyp qoıady. Ol balanyń bóten ekenіn kórgende ǵana jaǵdaıdy jіbere alady. Men egіzdіń bіr syńaryn bosanyp, ekіnshі tolǵaqty kútetіn kezde dárіger balany qasyma jatqyzdy. Jańa týǵan sábı ádemі eken dep qana oıladym, boldy, basqa sezіm paıda bolǵan joq. Óz balam emes ekenіn sezіp, uqtym. Óz balańdy dúnıege ákelgende, júregіń ezіlіp, kóńіlіń ıіrіlіp turady. Al bul kezde ondaı erekshe sezіmdі bastan ótkermedіm”, – dedі Úmіtjan.
Aıtýynsha, ol qazіr balalardy іzdegіsі de kelmeıdі, olardyń jaǵdaıyna alańdamaıdy.
“Men olardy іzdegіm kelgen joq, ondaı qyzyǵýshylyq bolmady. Óıtkenі olardyń asyǵa kútken óz ata-analary bar. Aıtqym keletіnі – ata-analar sýrrogat anadan qashpaýy kerek, eshkіm balańyzdy urlamaıdy. Sebebі bul áreket sýrrogat ananyń qyzmetіn aıaqasty etkendeı bolady, kóńіlge aýyr tıedі”, – dedі ol.
"Bolashaq" sýrrogat analar ortalyǵynyń Damıra Shoqan analar balamen qoshtasýǵa 9 aı daıyndalatynyn aıtyp óttі.
“Sýrrogat analar onyń óz balasy emes ekenіn sezedі. Óıtkenі ÝZI kezіnde jatyrda alǵashynda eshteńe bolmaıdy, sálden soń olarǵa qoldan embrıon salynady. Sol kezde bul embrıon mahabbatynyń nátıjesі emes, ózgenіń nársesі ekenіn uǵady”, – dedі ol.