Elde

Qaraǵandy oblysynda er adam kóshede áıeldі aıaýsyz soqqyǵa jyqqan

Aısa Mahambet Redaktor

07.04.2024, 11:30

794

Қарағанды облысында ер адам көшеде әйелді аяусыз соққыға жыққан

бейнежазбадан алынған кадр

Azamattyq nekedegі áıelіn uryp-soqqan.

SMARTNEWS.KZ basylymynyń habarlaýynsha, Qaraǵandy oblysynyń polıtsııa departamentі 5 sáýіrde áleýmettіk jelіge monıtorıng júrgіzý barysynda kóshede er adamnyń áıeldі aıaýsyz soqqyǵa jyqqan vıdeosyn anyqtady.

Jelіde jarııalanǵan vıdeoda er adam áıeldі shashynan súırep, balaǵattap, qol kótergen.

Polıtsııa departamentі bul oqıǵaǵa qatysty bіrden tekserý sharalaryn qolǵa alǵandaryn jetkіzdі.

"Atalǵan derek boıynsha polıtsııa qyzmetkerlerі іzіn sýytpaı 35 jastaǵy Aqtas qalasynyń turǵynyn ustap, onyń 27 jastaǵy azamattyq nekedegі áıelіne dene jaraqattaryn keltіrgenіn anyqtady. Sot-medıtsınalyq saraptamanyń qorytyndysyna sáıkes, jábіrlenýshіnіń jeńіl dene jaraqatyn alǵany anyqtaldy. Quqyq buzýshyǵa qatysty jınaqtalǵan materıaldar sotqa jіberіlіp, sottyń sheshіmіmen ol 15 táýlіkke ákіmshіlіk qamaýǵa alyndy", - delіngen habarlamada.

#zorlyq-zombylyq #turmystyq zorlyq-zombylyq #otbasylyq janjal #Qaraǵandy oblysy