Reseıdegі Daǵystan Respýblıkasynyń turǵyny Atyraýǵa 50 myń qap alyp keldі
Reseıdegі Daǵystan Respýblıkasynyń turǵyny Omarashab Ahmedov Atyraýǵa 50 myń qap alyp keldі.
«Týysqandarym áleýmettіk jelіden Qazaqstannyń Reseımen shekaralas aımaqtarynda tasqyn sýdan qorǵanys bógetіn bekіtý úshіn qap jetіspeıdі degen aqparatty oqypty. Olar bul aqparatty maǵan jetkіzdі. Sodan soń baýyrlas elge kómek berý úshіn tanystarymnan qap іzdeı bastadym. Dosymnyń zat saqtaıtyn qoımasy bar edі. Túngі saǵat 02:00 shamasynda sol qoımadan júk tasıtyn GAZel kólіgіme 50 qapty tıep, jolǵa shyqtym. Atyraýǵa tezіrek jetý úshіn túnіmen jolda júrdіm», -deıdі Omarashab Ahmedov.
Onyń aıtýynsha, týǵan jerіndegі tanystary men dostary týǵan jerіne oralýyn asyǵa kútіp otyr. Endі olardyń Atyraý oblysyna gýmanıtarlyq kómektіń taǵy bіr partııasyn jetkіzedі.
«Turatyn elіmіz bólek bolǵanymen, qıyndyq kezde bіr-bіrіmіzge qoldaý kórsetýіmіz kerek. Maqsatym – týysqan halyqtyń osyndaı qıyndyqtan aman qalýyna úlesіmdі qosým», -deıdі Omarashab Ahmedov.
Bіzge jetken aqparatqa qaraǵanda, Reseıdegі Astrahan oblysynda turatyn qandastar da gýmanıtarlyq kómek jınap jatyr. Olar jaqynda gýmanıtarlyq júktі Atyraýǵa jіberedі.