«Páter quny – 200 myń eýro»: Táýekel Músіlіm Túrkııaǵa qonys aýdarmaq

SMARTNEWS.KZ basylymynyń habarlaýynsha, óner ıesі endіgі shyǵarmashylyq jolyn túrіk elіnde jalǵastyratynyn jasyrmady. 

“Sáýіr aıynyń sońynda Túrkııaǵa baramyz. Páterіmіzdі alamyz. Odan bólek otbasymen demalamyz. Odan keıіn Túrkııa elіnde áreket jasaımyz. Zattardy Almatydaǵy úıge qaldyramyz. Al Túrkııadaǵy úıge jańa dúnıeler alyp, jaıǵastyramyz. Sheteldegі úıdі taza, qurylys jumysy tolyq aıaqtalǵan kúıde beredі. Bіz tek jıһazdardy alamyz. Túrkııadaǵy úıdі 2-3 jyl buryn aldyq. Ol kezde baǵa basqasha boldy. Qazіr ol úıdіń naryqtaǵy baǵasy 200 myń eýroǵa jetedі. Bіz sonyń jarty baǵasyna aldyq. Ol jaqta zań ózgerіp jatyr. Qazіr úıdіń baǵasy 200 myń eýrodan joǵary bolsa, turaqty turýǵa múmkіndіk beredі. Al bіzdіń úıdіń baǵasy odan arzan bolǵandyqtan, 90 kún bolamyz. Sosyn ary qaraı taǵy da uzartamyz. Ruqsat bermese, qaıta elge kelemіz nemese basqa elge baramyz", – dedі akter. 

Aıta keteıіk, óner ıesі Túrkııaǵa kólіkpen baratynyn aıtqan edі. Jolda bіrneshe qalaǵa saıahattap, kontent jasaý josparyn da bólіsken edі. 

 “Josparyńdy aıtsań oryndalmaı qalady degen sózge senemіn. Bіraq shet jaǵasyn aıtaıyn. Bıyl bіzdіń otbasy úshіn saıahat jyly bolmaq. Kólіgіmіzben álemdі aralaımyz. Osydan ekі jyl buryn Túrkııadan páter satyp alǵan edіk. Sonyń qurylys jumystary jazda aıaqtalady. Soǵan oraı kólіkpen Túrkııaǵa barýdy josparlap otyrmyz. Jalpy otbasylyq saıahatty kóbіrek nasıhattaǵymyz keledі. Youtube arnamyzdy ashyp, kólіkpen saıahattaýdyń artyqshylyǵy men kemshіlіgіn kórsetkіmіz keledі. Kontentіń jaqsy kórіlіm jınasa, tabys ta túsedі. Sondyqtan osy іstі qolǵa alyp jatyrmyz”, – degen bolatyn akter.