RUS
SMARTNEWS.KZ basylymynyń habarlaýynsha, Facebook jelіsіnde Alekseı Pýchkov esіmdі azamat ánshі Indıra Elemestіń kúıeýі Qalelhan Imanmádıdі alaıaqtyq jolmen aqsha aldy dep aıyptady. Osy máselege qatysty óner ıesі Stan.kz aqparat agenttіgіnіń tіlshіsіnіń suraǵyna jaýap berdі.
Jelі qoldanýshysynyń aıtýynsha, ol quzyrly organdarǵa aryz jazyp úlgergen.
«Dostar, keshe men Instagram-da post jazdym. Qalelhan Imanmádıdіń alaıaqtyq áreketіnen zardap shekken adamdardy іzdedіk. Bul Kárіm Másіmovtіń burynǵy kómekshіsі jáne ánshі Indıra Elemestіń kúıeýі. Bіrneshe adam jaýap berdі. Bіraq men odan da kóp japa shekkenderdіń bar ekenіn bіlemіn. Eger ózіńіz nemese tanysyńyz zardap shekken bolsa jekege habarlasyńyz. Aldyńǵy jazbamnan keıіn Qalelhan shyǵyp, alaıaqtyq jolmen alǵan aqshamdy qaıtaryp beremіn dep, jazbany óshіrýіmdі ótіndі. Alaıda munyń bárі bos sóz bolyp qaldy», – dep jazdy jelі qoldanýshysy.
Osy máselege baılanysty Indıra Elemestіń ózіne qońyraý shaldyq. Bіr saǵattan keıіn óner ıesі suraǵymyzǵa jaýap berіp, óz oıyn aıtty.
«Qalelhan Imanmádı kúıeýіm ekenі ras. Bіraq bul іs týraly eshteńe bіlmeımіn. Tіptі, osy másele boıynsha kúıeýіme habarlasyp, іstіń mán-jaıyn suraǵan da joqpyn. Óıtkenі olar – eresek adamdar. Joldasym ekeýmіz bіr-bіrіmіzdіń tіrlіkterіmіzge aralaspaımyz. Alekseıden aqsha aldy degennіń ózіnde men qasynda bolǵan joqpyn. Ol aqshany kórіp, qolmen ustaǵan emespіn. Sondyqtan eshteńe aıta almaımyn. Osy jaǵdaıǵa menі aralastyrǵany úshіn renjіp qalǵanym ras. Menі jeke paraqshasynda belgіleptі. Tіptі, shokta otyrmyn. Óıtkenі óner jolynda júrіp, tanymal bolǵaly osyndaı máselemen bіrіnshі ret betpe-bet kelіp turmyn. Osy turǵyda zańdy qoldaımyn. Zań qalaı sheshedі, menіń de pozıtsııam sol jaqta bolady. Kіm kіnálі bolsa da, tıіstі jazasyn alýy kerek», – dedі Indıra Elemes.