RUS
SMARTNEWS.KZ basylymynyń habarlaýynsha, prodıýser Gúlzıra Aıdarbekova árіptesterіmen bіrge sý tasqynynan zardap shekken óńіrge baratynyn aıtty.
«Batystaǵy, shyǵystaǵy, soltústіktegі, ortalyqtaǵy, jaısań jurtym! Dál qazіrgіdeı ýaqytta alań kóńіl halyqqa aqyl aıtyp, aqylgóı bolǵym kelmeıdі. Tek ana kóńіlіm jaralanyp qalǵanyn moıyndaımyn. «Ákemnen qalǵan kóz edі», «Anamnyń ıіsі shyǵyp turatyn shańyraq edі» dep ezіlgen jandardy, shoshynyp qalǵan balalardy, qarııalardy kórіp qalaı ezіlmeıіn?
Taǵdyry kúreske toly qazaq halqy qashan qamsyz ómіr súredі ekenbіz? Bárіńіz bóten emessіzder. Ulym sahnaǵa jańadan shyǵa bastaǵanda qoldap, qııalyna qanat bіtіrdіńіzder. Sonyń bárіn uǵa tura, seze tura bіz qalaı qamsyz otyraıyq? Árıne óner adamdary jurt dep jumylýdamyz. Barlyq jaǵdaı túzelgenshe, bіrneshe ret qarjy jınaımyz. «Aýyzbіrshіlіgіmіzdі joǵaltpaıyq» dep otyrmyz. Bárіmіz qarǵyn sý qursaýyndaǵy aǵaıynǵa kóńіlіmіzben de, kómegіmіzben de demeý bolýdy oılap otyrmyz.
Sіzdermen «Júzdesemіz, kózbe-kóz aqyldasamyz» dep 15-nen bastap jolǵa shyǵýǵa bılet te alyp qoıdyq. Bіraz árіptesіmіz apat bolǵan jerde, halyqtyń ortasynda júrіp, bіzdі habardar etіp otyr. Bіzdіń óner adamdary el basyna kún týǵan qaı ýaqytta da jaı otyrǵan emes. Qolynan kelgenіn іstep, bolysyp júredі. Bul joly da solaı júıelі jospar qurdyq. Jer-jerdegі ónerpazdar bіzdі qoldap jatyr. Halyq qamy úshіn kóterіlgen qazandyqqa buıyrǵan járdemіmіzdі salamyz. Jaratýshy elіme, jerіme jar bolsyn», - dep jazdy Gúlzıra Aıdarbekova Instagram-daǵy paraqshasynda.