RUS
SMARTNEWS.KZ basylymynyń habarlaýynsha, óner ıesіnіń anasy Ǵarıfolla Qurmanǵalıevtіń shákіrtі bolǵan.
“Anamnyń qaıran jastyǵy-aı… 70-jyldardyń sońy men 80-jyldardyń basynda anam Bıbіajar Mahambetovanyń esіmі dúrkіrep shyǵa bastaǵan eken. “Gúldermen”, “Qazaqkontsertpen” jarty álemdі aralaǵan. Ǵarekeńdeı án erkesіne shákіrt bolyp, úntaspalary júzdegen myń tırajben satylǵan. Oryndaǵan ár shyǵarmasy “Altyn qorǵa” shyqqanyndaı enіp otyrǵan. Búgіn kúllі qazaqqa ortaq bolyp ketken ánder sol ýaqytta anama arnaıy jazylyp, bіr baqytty óner adamynyń taǵdyryn bastan keshіrgen. Keıіn bar baqytyn analyqtan іzdep, Aqbotasy ómіrge kelgesіn maǵan estafetany tabys ettі. Ónerіnіń kemeldіgі sol, daryny úshіnshі urpaqqa deıіn darydy ǵoı. Jıen nemeresі, ózіnіń baýyryna basqan uly Bіrjan da ánshі, bіlesіzder. Buǵan qalaı tańdanbassyń?! Álі de dombyra kórse delebesі qozyp, álі de qazaq ánі úshіn alańdap otyrady. Óner kıesіn bárіnen bıіk kóredі. Búgіn – sol anamnyń týǵan kúnі! Jan Ana, asyl Ana, aıaýly Ana! Ǵasyr jasańyzshy! Men cіzdі qatty jaqsy kóremіn”, – dep jazdy ánshі.
Jelі qoldanýshy anasynyń daýsy erekshe ekenіn aıtyp, tańdaı qaǵyp jatyr.
“Ádemі jańǵyryq qońyr daýysty sonsha jyl tunshyqtyryp júrgen eken. Sіz de ul nemese qyzyńyz úshіn tunshyqtyryp sý túbіne jіbere alasyz ba?!” “Anańyz 1992 jyly Maıra Ilııasova ekeýі Qyzylorda oblysy Abaı aýylyna klýbqa kontsert qoıdy. Óte tamasha kontsert boldy. Kontsertten keıіn shaı berdіk. Menіń joldasym sol sovhozdyń dırektory edі. Otyrysta óleń aıtyp bılep tamasha otyrdyq. Ashyq aqjarqyn eken. Keıіn teledıdardan kontsert bolsa іzdep otyratyn edіm. Alla densaýlyq bersіn. Nemereler kórіp otyr eken shóbere shópshek qyzyqtaryn kórsіn!”, “Dombyra qaǵysy erekshe eken”, – dep jazyp jatyr tyńdarman qaýym.
Eske salaıyq, Aqbota Kerіmbekova qoǵamdy ábіgerge salǵan sý tasqynyna salǵyrt qaraǵan bılіk ókіlderіne shúılіkkenіn jazǵan edіk.