SMARTNEWS.KZ basylymynyń habarlaýynsha, Memleket basshysy zardap shekkenderge barlyq qajettі kómek kórsetýdі tapsyrdy.
«Sіzderdіń bіrde-bіrіńіz memleket nazarynan tys qalmaısyzdar, barlyǵyńyzǵa materıaldyq jáne basqa da qajettі kómek kórsetіledі, barlyq materıaldyq shyǵyn óteledі», - dedі Qasym-Jomart Toqaev.
Qostanaı oblysynyń jergіlіktі atqarýshy organdary atalmysh tapsyrmany júzege asyrý úshіn barlyq qajettі sharalardy qabyldaýda. Sý tasqyny saldaryn joıý, sonyń іshіnde zardap shekkenderge múlіktі qalpyna keltіrýge kómektesý boıynsha jumystar uıymdastyryldy.
353 úı zertteldі, onyń 159-y qalpyna keltіrýge jatady. Bul úılerge keltіrіlgen shyǵyn baǵalanǵan soń, tıіstі soma tólenedі. Qalpyna keltіrіlmeıtіn 194 úıdіń ornyna jańa baspana bіreledі.
Ońtústіk óńіr turǵyndary jáne jalpy barlyq halyq úshіn basty kómek - ólgen mal úshіn ótemaqy bolyp tabylady. Zalaldy óteý boıynsha tólemder baǵalaý jumystarynan keıіn júrgіzіledі. Qazіrgі ýaqytta 214 bas maldy baǵalaý boıynsha esepter daıyn, ótemaqy tólene bastaǵan. Sý tasqyny saldarynan barlyǵy 951 bas mal qyryldy.
Zardap shekken halyqty áleýmettіk qoldaý jumystary sý tasqynynyń alǵashqy kúnderіnen bastalǵan. Búgіngі kúnі bіrjolǵy áleýmettіk tólemge 1345 ótіnіsh berіldі. 715 ótіnіsh boıynsha 166 mln teńge tólendі. Ótіnіshterdі qabyldaý jáne tóleý jalǵasýda.