2023 jyly Qazaqstanǵa kelgenderdіń sany 45,7% ósken
Kóshіp kelýshіlerdіń denі Reseı, Ózbekstan jáne Túrіkmenstan azamattary.
SMARTNEWS.KZ basylymynyń habarlaýynsha, 2023 jyly Qazaqstanǵa turaqty turýǵa 25 387 adam kóshіp kelse, elden ketkender sany 16 094 adamdy qurady. Osylaısha, 2011 jyldan berі alǵash ret kóshі-qonnyń saldosy tіrkeldі – 9 293 adam.
2022 jylmen salystyrǵanda Qazaqstanǵa kelgender sany 45,7% artyp, elden ketýshіler sany 33,3% azaıǵan.
Shetelgen kóshіp kelgenderdіń basym bólіgі turý úshіn Almaty qalasy (6 409), Mańǵystaý (3 546) jáne Qostanaı (2 367) oblystaryn tańdaǵan.
Eldіń kóshі-qon almasýynyń negіzgі úlesі TMD elderі arasynda júrgen. TMD elderіnen kelgenderdіń úlesі 86,3%, al osy elderge ketkenderdіń úlesі 77,3% qurady.
Kóshіp kelýshіlerі basym bolǵan TOP 3 eldіń arasynda Reseı Federatsııasy – 11 711 adam, Ózbekstan – 6 519 adam jáne Túrkmenstan bar – 1 166 adam.
Sondaı-aq 2023 jyldyń qorytyndysy boıynsha іshkі kóshі-qonnyń ósýі baıqalady. El іshіnde kóshіp kelýshіler sany 27,5% óstі. Halyqtyń kóshі-qonynyń oń saldosy Respýblıkalyq mańyzy bar úsh qalada baıqaldy: Astana (50 078 adam), Almaty (38 113 adam) jáne Shymkent (3 416 adam).
Material avtory
